दाङ । दाङ स्थित लमही नगरपालिकाले जाडो विदा दिएको छ । जिल्लाका दश स्थानीय तहमध्ये लमही नगरपालिकाले मात्रै जाडोका कारण नगरपालिकाभित्रका विद्यालयको पठनपाठन चार दिनका लागि बन्द गर्ने निर्णय गरेको हो ।
नगर कार्यपालिकाको आकस्मिक बैठक बसेर माघ ९ गतेदेखि १२ गतेसम्म चिसो मौसमका कारण जनजीवन कस्टकर हुँदै गइरहेको अवस्थालाई मध्यनजर गर्दै चार दिन विद्यालयको पठनपाठन बन्द गर्ने निर्णय गरिएको सूचना सार्वजनिक गरिएको छ । तर, यस निर्णयको बारेमा आफूलाई जानकारी नभएको उपप्रमुख लक्ष्मी योगीले सामाजिक सञ्जालबाट प्रतिक्रिया दिनुभएको छ ।
‘कार्यपालिकाको गरिमालाई अपमानित हुनेगरी कार्यपालिकाको निर्णय अनुसार चार दिन शिक्षण संस्थाहरू बन्द गरिएको सूचना फेसबुकमार्फत् पढ्न पाउँदा ज्यादै दुखी छु’ उहाले सामाजिक सञ्जाल फेसबुकमा लेख्नुभएको छ। जाडो बढेकाले जनजीवन प्रभावित भएपछि विद्यालयको पठनपाठन बन्द गर्ने निर्णयमा पुगेको नगर प्रमुख जोगराज चौधरीले बताउनुभयो । ‘जाडो पनि छ भनेर विद्यालय बन्द गरिएको छ’ उहाँले भन्नुभयो,’कार्यपालिकाका सदस्यहरूको बिचमा छलफल भएर निर्णय भएको हो ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच