काठमाडौं । नेपाल ट्रेड युनियन महासंघ (जिफन्ट)ले वैदेशिक रोजगारमा गएका श्रमिकका समस्या समाधान गर्न माग गरेको छ । अन्तर्राष्ट्रिय प्रवासी श्रमिक दिवसको अवसर पारेर शनिबार काठमाडौंमा आयोजित कार्यक्रममा जिफन्टका अध्यक्ष विनोद श्रेष्ठले विदेशमा गएका श्रमिकका समस्या समाधान गर्न सरकारसँग माग गर्नुभएको हो ।
मुलुकको अर्थतन्त्र रेमिट्यान्सका भरमा चलेको तर रेमिट्यान्स पठाउनेको समस्याबारे सरकार गम्भीर नभएको उहाँको भनाइ छ । साथै उहाँले वैदेशिक रोजगारीमा जानेहरूको संख्या बढ्दै गएको भन्दै देशभित्रै रोजगारीका अवसर सिर्जना गर्न पनि सरकारको ध्यानाकर्षण गराउनुभएको छ ।
अध्यक्ष श्रेष्ठले भन्नुभयो, ‘मुलुक रेमिट्यान्सका भरमा चलेको छ तर वैदेशिक रोजगारीमा गएकाको समस्या भने अझै पनि सरकारले समाधान गर्न सकेको छैन, सरकार गम्भीर भएर उनीहरूको समस्या तत्काल समाधान गर्नुपर्छ ।’
जिफन्टले वैदेशिक रोजगारीमा जाने श्रमिकलाई सामाजिक सुरक्षाको दायरामा ल्याउने गरी आवश्यक वातावरण बनाउन पनि उहाँले माग गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच