काठमाडौं । बेलायतमा ‘नेपाली फिल्म फेष्टिभल २०२३’ आयोजना हुने भएको छ । विश्व बजारमा नेपाली फिल्मको प्रबद्र्धन गर्ने उद्देश्यका साथ ‘थर्डआइ’ ले बेलायतको राजधानी लण्डनमा फिल्म फेष्टिभल गर्ने भएको हो ।
फेष्टिभलमा एकदर्जन हाराहारी नेपाली चलचित्र देखाइने बताइएको छ । हलमा रिलिज भएका तर युट्युबमा नआइसकेका चलचित्रलाई छनोट गरी फेष्टिभलमा देखाइने थर्डआइका निर्देशक विकास देवकोटाले जानकारी गराउनुभयो । उहाँका अनुसार ‘जीवन काँडा कि फूल’, ‘प्रकाश’, ‘झिंगेदाउ’, ‘प्रेमगीत३’ लगायत चलचित्र फेष्टिभलका लागि छनोट गरिएको छ ।
विकासले भन्नुभयो, ‘नेपालीमा के कस्ता चलचित्र बनिरहेका छन् भन्ने बारेमा प्रवासी दर्शकलाई थाहा दिन जरुरी छ । त्यसैले नेपाली परिवेश र नेपाललाई चिनाउने फिल्म छनोट गरेका छौँ ।’ फेष्टिभल आगमी १८ देखि २५ फेब्रुवरीसम्म चल्नेछ भने नेपालबाट एक दर्जन बढी कलाकार सहभागी हुनेछन् । जसमा चलचित्र विकास बोर्ड अध्यक्ष भुवन केसीदेखि कलाकार नीर शाह, करिश्मा मानन्धर, दिनेश डिसी, सन्तोष सेन, स्वस्तिमा खड्का, आँचल शर्मा, पुष्प खड्का, अनुपविक्रम शाही, रिमा विश्वकर्मालगायत रहने आयोजकले जानकारी गराएको छ ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर