जुम्ला । जुम्लाको चन्दननाथ नगरपालिकास्थित एक घरमा आगलागी हुँदा १४ बर्षीया बालिकाको मृत्यु भएको छ ।
लोकबहादुर भण्डारीको घरमा सोमबार राति साढे १० बजे आगलागी हुदाँ उहाँकी छोरी बन्दना भण्डारीको जलेर मृत्यु भएको प्रहरीले जनाएको छ भने घरमुली लोकबहादुर घाइते हुनुभएको छ ।
आगलागी भएको घरमा भण्डारीका सासु, श्रीमती, छोरीलगायत सात जनाको परिवार बस्दै आएको प्रहरी निरीक्षक धर्मराज जोसीले जानकारी दिनुभयो ।
उहाँका अनुसार लोकबहादुरको खुट्टा पोलेको छ भने अन्य परिवार सहकुशल रहेका छन । ढुंगा र काठले बनेको तीनतलाको घर टिनको छानोले छाइएको थियो । प्रहरीका अनुसार आगो दोस्रो तलाबाट लागेको अनुमान गरिएको छ । मृतक बालिका तेस्रो तलामा सुतेका कारण उहाँलाई बाहिर निकाल्न नसिकएको हो ।
प्रहरीले आगलगीको कारणको बारेमा अनुसन्धान गरिरहेको छ भने पुरै घर जलेर नष्ट भएको छ । क्षतिको थप बिवरण आउन बाँकी छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच