काठमाडौं । इंग्लिस प्रिमियर लिगमा म्यानचेस्टर सिटी शीर्षस्थानमा उक्लिएको छ । बुधबार राति भएको खेलमा यसअघि शीर्षस्थानमा रहेको आर्सनललाई पराजित गर्दै सिटी पहिलो स्थानमा उक्लन सफल भएको हो ।
सिटी आर्सनललाई उसकै मैदानमा ३–१ ले पराजित गर्न सफल भयो । सिटीको जितमा केभिन डि ब्रुएना, ज्याक ग्रेलिस र एर्लिङ ब्राउट हालान्डले गोल गरे भने आर्सनलका बुकायो साकाले एक गोल फर्काएका थिए ।
इमिरेट्स स्टेडियम लन्डनमा बुधबार राति भएको प्रतिस्पर्धात्मक खेलको २४औं मिनेटमा केभिन डि ब्रुएनाको गोलबाट सिटीले १–० को अग्रता दिएका थिए ।
४२औं मिनेटमा बुकायो साकाले पेनाल्टीमा गोल गर्दै खेललाई १–१ गोलको बराबरीमा ल्याए । ७२औं मिनेटमा ज्याक ग्रेलिसले गोल गर्दै सिटीलाई २–१ को अग्रता दिलाउन पुगे । ८२औं मिनेटमा केभिन डि ब्रुएनाको पासमा हालान्डले गोल गर्दै सिटीको जित पक्का गरे ।
यस जितसँगै शीर्षस्थानमा उक्लिएको सिटीको २३ खेलबाट ५१ अंक पुगेको छ भने एक खेल कम खेलेको आर्सनलको पनि ५१ अंकमा सिमित छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच