साउदी । फरवार्ड क्रिष्टियानो रोनाल्डोको उच्च प्रदर्शनमा अल नासरले साउदी प्रो लिगमा जित हात पारेको छ । अल नासरले घरेलु मैदानमा अल तावोनलाई २-१ ले पराजित गर्दा रोनाल्डोले दुवै खेलमा सहायक गोलकर्ताको भूमिका निर्वाह गर्नुभएको थियो ।
अल नासरको जितमा अब्दुल रहमान घारिव र अब्दुल्लाह मादुले गोल गर्नुभयो । अल तावोनका अल्भारो मेडरनले गोल फर्काउनुभयो । खेलको १७औँ मिनेटमा अब्दुल रहमान घारिवले गोल गर्दै अल नासरलाई १-० को अग्रता दिलाउनुभएको थियो ।
४७औँ मिनेटमा अल्भारो मेडरनले गोल गर्दै खेललाई १-१ गोलको बराबरीमा ल्याउनुभयो । ७८औँ मिनेटमा अब्दुल्लाह मादुले गोल गर्दै अल नासरको जित पक्का गर्नुभयो । यसै सिजनमा इंग्लिस क्लब म्यानचेस्टर युनाइटेड छाडेर साउदीमा आउनुभएका रोनाल्डोले प्रो लिगमा चार खेलमा पाँच गोल र दुई असिस्ट दिइसक्नुभएको छ । उहाँले अघिल्लो खेलमा हृयाट्रिकसहित चार गोल गर्नुभएको थियो ।
यस जितसँगै अल नासर १७ खेलबाट ४० अंक जोडेर शीर्षस्थानमा उक्लिएको छ । समान ४० अंक नै रहे पनि अल इतिहाद र अल सवाव गोल अन्तरमा पछि छन् । अल सवावले एक खेल बढी खेलेको छ । पराजित अल तावोन ३० अंक जोडेर पाँचौँ स्थानमा छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच