काठमाडौं । जनता समाजवादी पार्टीका अध्यक्ष उपेन्द्र यादवले प्रधानमन्त्री प्रचण्ड आफूहरुलाई उपराष्ट्रपति दिने विषयमा सकारात्मक रहेको बताउनु भएको छ ।
बिहीबार माओवादी केन्द्रका नेताहरुसँगको भेटपछि पत्रकारहरुसँग कुरा गर्दै उहाँले यस्तो बताउनु भएको हो । ‘जसपालाई उपराष्ट्रपति दिने कुरामा उहाँहरु सकारात्मक हुनुहुन्छ ।’ उहाँले भन्नुभयो ।
माओवादी संसदीय दलको कार्यालयमा भएको छलफलमा उहाँहरुसहित माओवादीबाट नारायणकाजी श्रेष्ठ र जसपाबाट राजेन्द्र श्रेष्ठ सहभागी हुनुहुन्थ्यो ।
राष्ट्रपतिमा कांग्रेस, नेकपा एस र एमालेको दाबी रहेको बताउँदै अहिले कांग्रेसलाई पनि समेटेर जानुपर्छ भन्ने पक्षमा प्रचण्ड रहेको उहाँले बताउनु भयो ।
