काठमाडौं । दक्षिण-पूर्वी अफ्रिकी राष्ट्रहरू दक्षिण मलावी र मोजाम्बिकमा गएको भीषण सामुुन्द्रीक आँधीबाट हालसम्म मृत्यु हुनेको संख्या दुई सय १६ पुगेको छ ।
सो आँधीबाट मलावीमा एक सय ९० जनाको ज्यान गएको तथा मोजाम्बिकमा २६ जनाको मृत्यु भएको अधिकारीहरूले बताएका छन् ।
गत शनिबार रातिबाट सुरु भएको सो आँधी अब विस्तारै मथ्थर हुने क्रममा रहेको जानकारी पनि मलावीका अधिकारीहरुले अन्तराष्ट्रिय सञ्चारमाध्यमहरूलाई दिएका छन् ।
मलावीमा पाँच सय ८४ जना घाइते भएका तथा ३७ जना बेपत्ता भएका छन् भने मोजाम्बिकमा २४ जना घाइते भएका छन् । मोजाम्बिकमा २२ हजारभन्दा बढी विस्थातिप भएका रेडियो मोजाम्बिकले जनाएको छ ।
मालवीको प्राकृति संशाधन तथा जलवायु परिवर्तन मन्त्रालयले चक्रवात क्रमशः कमजोर हुँदै गएको जनाए पनि देशको दक्षिणी भागमा भारी वर्षा हुने संकेत दिएको छ । बाढीपहिरोको जोखिम बढेको जनाउँदै उक्त मन्त्रालयले सतर्कता अपनाउन देशवासीलाई आग्रह पनि गरेको छ ।
आँधीबाट मालवीको राजधानी ब्लान्टायरमा व्यापक क्षति भएको छ । देशभर करिब ६० हजार प्रभावित भएका छन् भने १९ हजारभन्दा बढी विस्थापित भएका छन् ।
प्रभावित क्षेत्रका पुल र सडक भत्किएका छन् । प्रतिकूल मौसमका कारण खोज तथा उद्धारका कार्य प्रभावित भएकाले क्षतिको पूर्ण विवरण प्राप्त हुन नसकेको अधिकारीहरुले बताएका छन् ।
श्रोत :आइएनएस-स्वतन्त्र समाचार
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच