गुल्मी । गुल्मीको ऐतिहासिक, धार्मिक तथा पर्यटकीय क्षेत्र रेसुङ्गामा नौ दिनसम्म महामहोत्सव मेला हुने भएको छ ।
आगामी बैशाख २३ गतेदेखि ३१ गतेसम्म “श्रीराम महायज्ञ, श्रीराम कथा महामहोत्सव एवम् विराट सन्त भक्त दर्शन मेला” सञ्चालन हुने भएको हो ।
सो महायज्ञमा मठ जोगिनी बाडा विकेनर राजस्थान भारतका योगी शम्भुनाथजी महाराजद्वारा श्रीराम कथा वाचन हुने र श्रीराम अयोध्याधाम भारतबाट स्वामी राजेन्द्रनन्दजी महाराज सहित सयौंको संख्यामा भारतीय सन्तहरु तथा नेपालका प्रकाण्ड विद्वानहरुको समेत उपस्थिति रहने आयोजकले जनाएको छ ।
महामहोत्सवबाट भारतको प्रख्यात अयोध्याधाम र राजस्थान भारत तथा नेपालको प्रसिद्ध धार्मिक स्थल रेसुंगा तपोभूमी, सिद्ध भूमिबीचको सम्बन्ध प्रगाढ हुनुका साथै सम्पूर्ण विश्वभर छरिएर रहेका हिन्दू धर्मावलम्बीहरुमा रेसुंगाको महिमा, महत्व र उर्जाको बारेमा प्रचारप्रसार हुन गई समग्र लुम्बिनी प्रदेशको धार्मिक पर्यटनमा महत्वपूर्ण योगदान पुग्ने अपेक्षा गरिएको रेसुङ्गा संरक्षण समितिका अध्यक्ष सुरेशचन्द्र भुसालले बताउनुभयो ।
महायज्ञलाई पूर्णरुपमा सफल पार्न यहि चैत्र २७ गते वृहत भेला आयोजना गर्ने बताइएको छ । उक्त भेलाबाट मूल आयोजक समिति, व्यवस्थापन समिति र विभिन्न उपसमितिहरु गठन गरिने भएको छ ।
महामहोत्सवमा कम्तिमा रु.१ हजार १११ नगद प्रदान गरी मूल आयोजक समितिको सदस्य बन्न सकिन पनि जनाइएको छ ।
महामहोत्सवको सम्पर्क कार्यालय जिल्ला समन्वय समितिको आवासको तल्लो तलामा राखिने अध्यक्ष भुसालले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच