काठमाडौं । जनता समाजवादी पार्टी, नेपालका सांसद प्रदिप यादवले जीर्ण अवस्थामा रहेको वीरगंज कारागारको जीर्णोदारको काम तत्काल सुरु गर्न सरकारसँग माग गर्नु भएको छ ।
बुधबार प्रतिनिधिसभा बैठकमा बोल्दै उहाँले शौचालयको अभाव रहेको, कैदीबन्दीहरुले कोचाकोच गरेर बस्नुपर्ने अवस्था रहेको र सुरक्षाकर्मीहरु तैनाथ हुने सुरक्षा पोष्ट समेत जीर्ण अवस्थामा रहेकाले सो कारागारको स्थलगत अवलोकन गरी सरकारले तत्काल जीर्णाेदार गर्नुपर्ने स्पष्ट पार्नु भयो ।
सांसद यादवले भन्नु भयो, ‘पर्सा जिल्लाको वीरगंज कारागारको अवस्था अहिले जीर्ण बनेको छ । र, कारागार अहिले यातना गृह बनेको छ । कारगार सुधार्ने ठाउँ हो कि बिगार्ने ठाउँ हो ? वीरगंज कारागारमा क्षमता भन्दा बढि कैदीबन्दी रहेका छन । र, यसरी कोचाकोच गरेर कैदीबन्दी राख्नु अपराध हो कि होइन ? शौचालयको समस्या उस्तै खराव छ । ९० वर्ष पुरानो यो कारगार अहिले जीर्ण छ । र, कारगारको सुरक्षामा तैनाथ प्रहरीहरुको सुरक्षा पोष्ट एकदमै जीर्ण भएको छ । कुनै बेला पनि दुर्घटना हुन सक्छ । यसकारण नेपाल सरकारलाई म अनुरोध गर्न चाहन्छु–वीरगंज कारागारमा स्थलगत अवलोकन गरेर त्यसको निर्माणको काम सुरु गरियोस् ।’
वीरगंज कारागार ९० वर्ष पुरानो कारागार हो । यसको जीर्णोदार तत्काल नगरे गम्भिर दुर्घटनामा हुने पनितर्फ पनि सांसद यादवले सरकारलाई सचेत गराउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच