म्याग्दी । उत्तरी म्याग्दीका पर्यटकीय स्थल घोडेपानी, पुनहिल लगाएतका क्षेत्रमा वर्षासँगै बाख्लो हिमपात भएको छ ।
वेमौसममा भएको हिमपातका कारण घोडेपानी घुम्न आएका पर्यटकहरु रमाएका छन् । वैशाखमा पनि अत्यधिक जाडो बढेपछि सास्ती भोग्नु परेपनि पर्यटकहरुको बसाइ लम्बिने भएपछि यहाँका होटल व्यवसायीहरू खुसी भएका छन् ।
समुन्द्री सतहदेखि दुई हजार आठ सय मिटरमा अवस्थित घोडेपानीसँगै खोपारा, पुनहिल र मोहरेडाडा लगाएतका उच्च पहाडी क्षेत्रहरुका जंगल र वस्तीहरुमा सेताम्यै हिउँले ढाकेको स्थानीय होटल व्यवसायी मिना गर्बुजा पुनले जानकारी दिनुभयो ।
अन्नपूर्ण गाउँपालिका–६ मा पर्ने घोडेपानी,पुनहिल लगाएतका क्षेत्रमा सोमबार (हिजो) दिउँसोदेखि नै सुरु भएको हिमपात रातीसम्म पनि नरोकिएको उहाँले बताउनुभयो ।
दिउँसो साढे ११ बजेबाट हिउँ पर्न थालेको हो, अझै रोकिएको छैन । जमिन र रुख बोट विरुवाहरू हिउँले सेताम्यै भएका छन् । घरका छत र छानाभरी हिउँ जमेको छ, घोडेपानी घुम्न जानुभएका बेनी नगरपालिका २ ज्यामरुककोटका नारायण सापकोटाले बताउनुभयो ।
वसन्त ऋतुमा बेमौसमी हिमपात हुँदा केही सास्ती र बढी आनन्द मिलेको सापकोटाको भनाइ छ । यसपाली पुस, माघ र फागुनमा हिमपात नभए पनि चैतको पहिलो सातादेखि हिमपात हुन सुरु गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच