काठमाडौं । अख्तियार दुरुपयोग अनुसन्धान आयोगले मध्यपश्चिम क्षेत्रीय वन निर्देशनालय, सुर्खेतका सहायक जिल्ला वन अधिकृत विष्णुकान्त मिश्रविरुद्ध विशेष अदालतमा भ्रष्टाचार मुद्दा दायर गरेको छ । उनीमाथि ७२ लाख ५२ हजार ४८० सय ५९ बराबरको गैरकानुनी सम्पत्ति आर्जन गरेको अभियोगमा मुद्दा दायर भएको हो ।
मिश्रले २०३६ सालमा सेवामा प्रवेश गरेदेखि २०७० सालको अवधिमा ९६ लाख ६८ हजार ५७ जम्मा खर्च तथा लगानी र व्ययतर्फ एक करोड ६९ लाख २० हजार ५३८ रुपैयाँ घटाउँदा ७२ लाख ५२ हजार ४८० रुपैयाँ रहेको भन्दै अख्तियारले मुद्दा दायर गरेको हो ।
उनी पदमा बहाल रहँदा गैरकानुनी रुपबाट सम्पत्ति आर्जन गरी पदीय हैसियत नमिल्दो उच्च जीवनयापन गरेको भन्ने उजुरीबारे अनुसन्धान गर्दा सहायक वन अधिकृत मिश्रले ७२ लाख ५२ हजार ४८० रुपैयाँ ५९ पैसा बराबरको खर्च तथा लगानी (सम्पत्ति) को स्रोत खुल्न नआएको अख्तियारले जनाएको छ । मिश्रले सरकारी सेवामा रहेको बेला श्रीमती हिरादेवीको नाममा जग्गा किनेको र घर बनाएको देखिएको अख्तियारले जनाएको छ । अख्तियारले हिरादेवीको नाममा रहेको घर जग्गा पनि जफत गर्न माग गरेको छ ।
उनीमाथि साबिक भ्रष्टाचार निवारण ऐन, २०१७ को दफा १५ र सो कसुरलाई निरन्तरता दिएको प्रचलित भ्रष्टाचार निवारण ऐन, २०५९ को दफा २० को उपदफा (१) बमोजिमको कसुर गरेको पुष्टि भन्दै मिश्रलाई उक्त रकम आयोगले बिगो दाबी गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच