काठमाडौं । काठमाडौं महानगरपालिकाका मेयर बालेन्द्र (बालेन) शाहले महानगरपालिकाले सुरु गरेको ‘शिक्षामा सिप’ कार्यक्रमको निरीक्षण गर्नुभएको छ।
यता शुक्रबार दिउँसो प्रधानमन्त्री तथा मन्त्रिपरिषदको कार्यालयले सिंहदरबारमा फोहोरमैला व्यवस्थापन सम्बन्धी बैठक बोलाएको थियो । तर, उक्त कार्यक्रममा मेयर शाह सहभागी हुनु भएन । उहाँ महानगरले हरेक साता शुक्रवार हुने पूर्वनिर्धारित ‘शिक्षामा सिप’ कार्यक्रममा सहभागी हुन पुग्नुभएको थियो । प्रधानमन्त्रीले डाकेको बैठकमा काठमाडौं महानगरबाट प्रमुख प्रशासकीय अधिकृत बसन्त अधिकारी सहभागी हुनुहुन्थ्यो ।
महानगर भित्रका सामुदायिक विद्यालयहरूमा हरेक साता शुक्रवार हुने उक्त ‘शिक्षामा सिप’ कार्यक्रमको प्रभावकारिता र कार्यान्वयन कसरी भइरहेको छ भन्ने निरीक्षण गर्ने क्रममा आज मेयर शाह जमलस्थित नेपालकै पहिलो विद्यालय दरबार हाई स्कुल र पध्मोदय माध्यमिक विद्यालयमा पुग्नुभएको थियो ।
ती दुई विद्यालयका कक्षाकोठामा विद्यार्थीहरुसँगै बसेर उहाँलगायतको टिमले अवलोन समेत गरेको थियो ।
उक्त निरीक्षणको क्रममा विद्यालयका शिक्षकहरूसँग स्रोत साधन र मानव संसाधनको अवस्था बारेमा समेत बुझेको उहाँले बताउनु भएको छ । सामाजिक सञ्जाल फेस बुक मार्फत मेयर बालेनले भन्नुभएको छ– यो निरीक्षणले विद्यार्थी र शिक्षकहरू सँग थप नजिक भएको महसुस भएको छ।’
निरीक्षणमा विभागीय प्रमुख, स्कुल व्यवस्थापन समितिका अध्यक्ष, प्रधानाध्यापक लगायतको टिम सहभागिता रहेको उहाँले बताउनु भएको छ ।
महानगरले पुस्तक विहीन शुक्रबारका कार्यक्रम अन्तर्गत थालेको तालिमबाट विद्यार्थीहरूले व्यवहारिक र जीवनोपयोगी सीप प्राप्त गर्न सक्ने मेयर बालेको भनाइ छ । विद्यालय तह पूरा गर्दा कम्तीमा एउटा प्राविधिक क्षेत्रमा स्वरोजगार हुन सक्ने जनशक्ति तयार गर्नु तालिमको मुख्य उद्देश्य रहेको बताउँदै उहाँले यसले विद्यार्थीहरूमा श्रमप्रतिको आदर र सम्मान भाव विकास हुने बताउनु भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच