काठमाडौं । नेपाल बीमा प्राधिकरणका अध्यक्ष सूर्यप्रसाद सिलवालले बीमालेखलाई समयानुकूल परिमार्जन गर्दै बिमितलाई थप सुविधा दिन बीमा कम्पनीलाई निर्देशन दिनुभएको छ । प्राधिकरणको ५५औँ वार्षिकोत्सवका अवसरमा आइतबार काठमाडौंमा आयोजित प्रभातफेरीपछिको सभालाई सम्बोधन गर्दै उहाँले प्राधिकरण र बीमा कम्पनीको एउटै उद्देश्य भनेको आमजनतालाई बीमाको महत्वबारेमा जानकारी गराई बीमा सेवा पुर्याउनु भएकाले उक्त कार्यका लागि सम्बद्ध सबैले सहकार्य गरी अघि बढ्नुपर्ने बताउनुभयो । काठमाडौंको भद्रकालीबाट सुरू भएको प्रभातफेरी सुन्धारा, एनएसी, रत्नपार्क हुँदै भृकृटीमण्डपमा पुगेर सभामा परिणत भएको थियो ।
प्रभातफेरी कार्यक्रममा प्राधिकरणका कार्यकारी निर्देशक राजुरमण पौडेल, निर्देशक सुशीलदेव सुवेदी, निर्देशक पुजन ढुंगेल (अधिकारी), निर्देशक दिनेशकुमार लाल र कर्मचारी, बीमा कम्पनी र पुनर्बीमा कम्पनीका प्रमुख कार्यकारी अधिकृत, जीवन बीमक संघ, नेपाल बीमक संघ, बीमा सर्भेयर संघ र पेशागत बीमा अभिकर्ता संघको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच