लुम्बिनी प्रादेशिक अस्पतालको विकासका लागि नीजी क्षेत्र हातेमालो गर्न तयार

रुपन्देही । लुम्बिनी प्रादेशिक अस्पतालको विकासका लागि नीजी क्षेत्र हातेमालो गर्न तयार रहेको बताएका छन् ।

प्रादेशिक अस्पताल बुटवलले आयोजना गरेको नीजी क्षेत्रका व्यवसायी तथा संघ संस्थाका प्रतिनिधिहरु संगको छलफल कार्यक्रममा बोल्दै नीजी क्षेत्रका व्यवसायीक संघ संस्थाका प्रमुख तथा प्रतिनिधिले अस्पतालको सेवा सुधारसहित भौतिक पुर्वाधारलगायतका विषयमा सहकार्य गर्न तयार रहेको बताएका हुन् ।

नेपाल उद्योग बाणिज्य महासंघका केन्द्रीय सदस्य उज्जवल प्रसाद कसजुले विगतका दिनहरुमा पनि बुटवल उद्योग बाणिज्य संघले प्रशुती गृह निर्माणसहितका विभिन्न भौतिक पुर्वाधार निर्माणमा काम गरेको भन्दै आगामी दिनमा भौतिक, नैतिक सहकार्यका लागि बुटवल उद्योग बाणिज्य संघ तयार रहेको बताउनु भयो ।

बुटवल उद्योग बाणिज्य संघका अध्यक्ष समेत रहेका कसजुले अस्पतालमा आउने सेवाग्राहीहरुको सेवाका लागि स-सानो कुरामा सुधार गर्न आवश्यक रहेको भन्दै रोकीएको आधुनिक भवन निर्माणको ठेक्का टेन्डर अविलम्ब सुरुवात गर्नुपर्नेमा जोड दिनुभयो । यस्तै नेपाल चेम्बर अफ कर्मस लुम्बिनी प्रदेश अध्यक्ष टंक प्रसाद पोखरेलले अस्पतालको विकासका लागि सहकार्य जरुरी रहेको भन्दै विकास समिति, सञ्चालक समिति र संघ संस्थाका विचमा सहकार्य जरुरी रहेको बताउनु भयो ।

उहाँले यसको लागि रक्त सञ्चार सेवा केन्द्र को भवन निर्माणलगायतका विषयमा सहकार्य गर्न सकिने यसको लागि रुपन्देही उद्योग संघ, व्यापार संघलगायतका संघ संस्थाको विचमा सहकार्य गर्न तयार रहेको बताउनु भयो ।

कार्यक्रममा बोल्दै रुपन्देही उद्योग संघका अध्यक्ष माधव पौडेलले सेवा विस्तार संगै गुणस्तरिय सेवा प्रवाह, सहज पहुँचसहितको सेवामा अस्पातल अव केन्द्रीत हुनुपर्ने बताउनु भयो । आयुर्वेद्धिक चिकित्सक संघका अध्यक्ष डा. डिके धिताल, रुपन्देही व्यापार संघका महासचिव दयानिधी भण्डारी, होटल तथा रेष्टुरेन्ट व्यवसायी संघ रुपन्देहीकाअध्यक्ष लेखनाथ भण्डारी, नेपाल औषधी व्यवसायी संघ रुपन्देहीका अध्यक्ष खड्क बहादुर बस्नेत, पश्चिम नेपाल बस व्यवसायी प्रा.लि.का रामचन्द्र भुषाल, नेपाल फार्मेसी संघका अध्यक्ष किरण ढकाल, फार्मेसी संघ रुपन्देहीका अध्यक्ष रविन्द्र प्रसाद तिावरीलगायतले बोल्दै जनताले सहज रुपमा सेवा प्राप्त गर्न सक्ने गरी सेवा प्रवाह गर्नको लागि आग्रह गर्दै भौतिक, नैतिक, आर्थिक सहयोगमा संघ संस्थाहरुले सदैव साथ दिने बताउनु भयो ।

अस्पतालका मेडिकल सुपरिटेन्डेन्ट डा. सुर्दशन थापा क्षेत्रीले अस्पताल सुधार संगै सेवा विस्तारको योजानमा रहेको जानकारी दिदै उहाँले निकट भविश्यमा नै आँखा उपचार सेवा शुभारम्भ गरिने बताउनु भयो ।

उहाँले भौतिक पुर्वाधार अभावको कारण सेवा प्रवाहमा सहजता नभएको भन्दै अस्पतालको प्रस्तावित गुरुयोजना अनुसारको भवन निर्माणको लागि प्रदेश सरकार, संघीय सरकारका विचमा संमन्वय जारी रहेको बताउनु भयो ।

अस्पताल विकास समितिका अध्यक्ष अजयमान श्रेष्ठले प्रादेशिक अस्पताले के कुरामा जोड दिँदा सेवा सहज, छरितो र गुणस्तरिय बनाउन सकिन्छ भन्ने अनुसार आफु नियुक्ती भएका दिन देखि नै लागि परेको बताउनु भयो ।

उहाँले ५ सय बेडको स्वीकृत भएपनि हाल ७ देखि ८ सय बेडको सेवा प्रवाह भैरहेको जानकारी दिदै सकारात्मक सोँचका साथ अगाडी बढेकमा यसबाट सबैको साथ र सहयोग हुने अपेक्षा समेत व्यक्त गर्नुभयाे । उहाँले नीजि क्षेत्र र अस्पताल विकास समिति संगै जानु पर्नेमा जोड दिनु भयो ।

निकट भविश्यमा नै एसएमएस प्रणाली लागू गर्ने, मोवाईल एप्स बाट नै टिकटको व्यवस्थापन गर्नेसहित सफाईलाई चुस्तदुरुस्त बनाउने आदी काममा जोड दिदै जाने बताउनु भयो । रोकीएको गुरुयोजनाको काम समयमा नै सूरु गर्नका लागिआफ्नो पहलजारी रहेको उहाको भनाई रहेको थियो । छलफल कार्यक्रममा विकास समिति सदस्य लक्ष्मी भट्राई खनाल, नर्सिङ्ग विभाग इन्चाज ज्योति पौडेललगायतले बोलेको कार्यक्रमको संञ्चालन अस्पतालका शाखा अधिकृत राजन केसीले गर्नु भएको थियो ।