गुल्मी । गुल्मीको इस्मा गाउँपालिका वडा नम्बर १ हस्तिचौरलाई पूर्ण संस्थागत प्रसुति वडा घोषणा गरिएको छ । इस्मा गाउँपालिका स्वास्थ्य शाखाले सोमबार हस्तिचौर स्वास्थ्य चौकीमा एक कार्यक्रमकाे आयोजना गरि पूर्ण संस्थागत प्रसुति वडा घोषणा गरिएको हो ।
इस्मा गाउँपालिकाका अध्यक्ष भगत सिंह खड्काले वडा नम्बर १ हस्तिचौर र हस्तिचौर स्वास्थ्य चौकीलाई सम्मानपत्र दिँदै वडालाई पूर्ण संस्थागत प्रसुति वडा घोषणा गर्नुभयो ।
पूर्ण संस्थागत प्रसुति वडा घोषणा गर्नका लागि सबै मापदण्ड पूरा गरेर वडालाई पूर्ण संस्थागत वडा घोषणा गरिएको हस्तिचौर स्वास्थ्य चौकीका इञ्चार्ज शमशेर हक मियाँले जानकारी दिनुभयो । उहाँका अनुसार गएको एक वर्षमा वडा भित्रका गर्भवती महिलाहरूले स्वास्थ्य चौकीमा मात्र प्रसुति गराएका छन् । हस्तिचौर वडामा घरमा प्रसुति हुने अवस्थाको अन्त्य भएको छ ।
हस्तिचौर वडाका वडाध्यक्ष शेर बहादुर कुँवरले आर्थिक र सामाजिक अवस्था कमजोर हुँदाहुँदै पनि वडालाई पूर्ण संस्थागत प्रसुति वडा घोषणा गर्न सकिएकोमा खुसी ब्यक्त गर्नुभयो ।
कार्यक्रममा प्रमुख अतिथिको रुपमा वडालाई पूर्ण संस्थागत प्रसुति घोषणा गर्दै गाउँपालिका अध्यक्ष भगत सिंह खड्काले स्वास्थ्य क्षेत्रमा संवेदनशील भएर काम अगाडि बढाएको बताउनुभयो । नागरिक मैत्री सेवाको लागि इस्मा गाउँपालिका सदैव तयार रहेको बताउँदै गाउँपालिका अध्यक्ष खड्काले स्वास्थ्यलाई प्राथमिकता दिएर काम गरेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच