काठमाडौं । चीनको होङझावमा हुने १९औँ एसियाली खेलकुदअन्तर्गत उसुका लागि छनोट भएका खेलाडीको सम्मानमा नेपाल उसु महासंघले बुधबार बधाई कार्यक्रम आयोजना गरेको छ । सो अवसरमा राष्ट्रिय खेलकुद परिषद्का सदस्यसमेत रहनुभएका नेपाल उसु महासंघका अध्यक्ष जनक बर्तौलाले खेलाडीलाई उच्च मनोबलका साथ तयारीमा जुट्न आग्रह गर्नुभयो ।
एसियाडका लागि उसुको थाउलोमा ७ र सान्सौंमा ५ गरी जम्मा १२ खेलाडी छनोट भएका छन् । थाउलोतर्फ छाङ छ्वानको पुरुषमा नेपाल आर्मीका विजय सिञ्जाली तथा महिलामा आर्मीकै सुस्मिता तामाङ छनोट हुनुभयो । नान् छ्वान अलराउण्डको पुरुषमा कर्णाली प्रदेशका दीपक हमाल तथा महिलामा बागमतीकी निमा घर्ती मगर छानिनुभयो ।
थाइची छ्वान अलराउण्डको पुरुषमा आर्मीका पासाङ शेर्पा तथा महिलामा आर्मीकै सविता राई छनोट हुनुभयो । महिला चेन सु/छियाङ सुमा एपिएफकी कविता थापा छनोट हुनुभयो ।
सान्सौंतर्फ पुरुष ५६ केजीमा एपिएफका रोहित चुनारा, ६० केजीमा एपिएफकै मंगलप्रसाद थारु, ६५ केजीमा नेपाल प्रहरीका सुमन घुस्री र ७० केजीमा आर्मीका पदम राई छनोट हुनुभएको छ । महिला ५२ केजीमा आर्मीकी एलिना चौधरी छनोट हुनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच