काठमाडौं । चालु आर्थिक वर्षको सात महिना अर्थात् माघसम्म छ खर्ब ६७ अर्ब ६५ करोड ७४ लाख बराबर बजेटमात्रै खर्च भएको छ । चालु खर्च वार्षिक विनियोजनको ४४.९२ प्रतिशत रहेको छ । चालु खर्च ११ खर्ब ८३ अर्ब २३ करोड विनियोजन भएकोमा पाँच खर्ब ३१ अर्ब ५० करोडमात्रै खर्च भएको महालेखा नियन्त्रण कार्यालयले जनाएको छ ।
पुँजीगततर्फ चालु आर्थिक वर्षका लागि तीन खर्ब ८० अर्ब ३८ करोड ४५ लाख विनियोजन भएकोमा १७.४३ प्रतिशत अर्थात् ६६ अर्ब २९ करोड ८४ लाखमात्रै खर्च भएको छ । वित्तीय व्यवस्थापनतर्फ दुई खर्ब ३० अर्ब विनियोजन भएकोमा ३०.३४ प्रतिशतमात्रै अर्थात् ६९ अर्ब ८५ करोड ८० लाख खर्च भएको हो ।
सो अवधिमा राजस्व असुली ३८ प्रतिशत रहेको छ । चालु आवका लागि कुल १४ खर्ब ५८ अर्ब ६० करोड बराबर राजस्व असुली सरकारको लक्ष्य रहेकोमा माघसम्म पाँच खर्ब ५४ अर्ब २३ करोड ६१ लाखमात्रै असुली भएको छ ।
त्यस्तै, चालु आवका लागि सरकारले ५५ अर्ब ४५ करोड ८३ लाख बराबर वैदेशिक अनुदान लिने लक्ष्य रहेको माघसम्ममा लक्ष्यको ८.६६ प्रतिशत अर्थात् चार अर्ब ८० करोड २० लाखमात्रै प्राप्त भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच