बैतडी । बैतडीको डिलासैनी गाउँपालिकाले आफ्नै गान, निशान र नारा बनाउने भएको छ । एक सूचना जारी गर्दै गाउँपालिकाले रचनाका लागि आह्वान गरेको छ । गाउँपालिकाले आफ्नै मौलिक पहिचानलाई जोड दिदै गान, निशान र नारा बनाउन लागेको हो ।
रचनाकारले एक महिनाभित्र सम्पर्क गर्न सक्नेछन् । गाउँपालिकाको विशिष्ट र मौलिक पहिचान झल्किने खालको रचना तयार गर्नुपर्ने जनाइएको छ । डिलासैनीको प्राकृतिक संरचना, धर्म, रीति संस्कृति, सम्भावनाका क्षेत्र, र समग्र डिलासैनीको पहिचान झल्किने खालको सामाग्री तयार पार्नुपर्ने गाउँपालिकाका अध्यक्ष सन्तोष प्रकाश जोशीले जानकारी दिनुभयो ।
गान, निशान र नारा तयार पार्ने रचनाकारलाई उचित पुरस्कारको पनि व्यवस्था गरिएको गाउँपालिका अध्यक्ष जोशीले बताउनुभयो । ३० दिनभित्र रचनाकारले सम्पर्क गर्नसक्नेछन् । त्यसपछि पालिकाले छनौट समिति गठन गरी त्यसपछि प्रक्रियामा अघि बढ्ने गाउँपालिकाले जनाएको छ ।
यसअघि जिल्लाको दरशथचन्द नगरपालिकाले पनि पालिकाको लोगो तयार गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच