पाल्पा । पहिरोका कारण अवरुद्ध बनेको सिद्धार्थ राजमार्ग अन्तर्गत बुटवल–पाल्पा सडक खण्ड एकतर्फी सञ्चालनमा आएको छ ।
सिद्धबाबा क्षेत्रमा पहिरो खसेर अवरुद्ध बनेको सडक पहिरो पन्छाएपछि आइतबार दिउँसोदेखि एकतर्फी सञ्चालनमा आएको हो ।
शनिबार रातिदेखि परेको अविरल वर्षाका कारण पहिरो खस्दा सडक अवरुद्ध भएको थियो । सिद्धबाबा क्षेत्रमा बन्दै गरेको सुरुङमार्ग र त्यस आसपासका क्षेत्रमा पहिरो खसेको हो । सडकमाथिबाट ठूलाठूला ढुंगासहित पहिरो खसेको छ ।
अहिले पहिरो पन्छाएर एकतर्फी यातायात सञ्चालनमा ल्याइएको दोभान प्रहरी चौकी पाल्पाले जनाएको छ । सुरुङमार्ग निर्माण कम्पनी चाइना स्टेट कर्पोरेसनका डोजर र स्काभेटरले पहिरो फाल्ने काम गरिरहेका छन् । ठूला ढुंगासहितको पहिरो पन्छाउन कठिन भएकाले पूरै सडक सञ्चालन गर्न नसकिएको प्रहरीले जनाएको छ ।
रोकिएका मालवाहक सवारी साधनका साथै बस, मिनी ट्रकलाई गन्तव्यतर्फ पठाइएको छ । लामो समयसम्म सडक सञ्चालन नहुँदा यात्रुले निकै सास्ती खेप्नु परेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच