मुम्बई । बलिउडका चर्चित कला निर्देशक नितिन देसाई मृत्य फेला पर्नुभएको छ । देसाई बुधबार बिहान कर्जतस्थित उहाँको एनडी स्टुडियोमा मृत फेला पर्नुभएको हो । उहाँको मृत्युको कारणबारे प्रहरीले थप विवरण भने दिएको छैन । तर उहाँले आत्महत्या गरेको बताइएको छ । प्राप्त जानकारी अनुसार नितिन देसाईले बिहान ४ः३० बजे एनडी स्टुडियोमा झुण्डिएर आत्महत्या गर्नुभएको थियो । उहाँको मृत्युको कारण आर्थिक अभाव रहेको बताइएको छ ।
नितिनले कला निर्देशकको रूपमा आफ्नो करियर सन् १९८९ मा चलचित्र परिन्दाबाट सुरु गर्नुभएको थियो । यसपछि उहाँले धेरै सुपरहिट चलचित्रको सेट तयार गर्नुभएको थियो ।
उहाँले डिजाइन गरेका चर्चित चलचित्रहरूको सेटमा ‘प्यार तो होना ही था’, ‘हम दिल दे चुके सनम’, ‘मिशन कश्मीर’, ‘राजु चाचा’, ‘देवदास’, ‘लगान’, ‘बाजीराव मस्तानी’लगायत छन् । देसाईले उत्कृष्ट कला निर्देशकको रूपमा चारपटक राष्ट्रिय पुरस्कार पाउनुभएको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच