बैतडी । बैतडीमा सर्पको टोकाइबाट एक किशोरीको मृत्यु भएको छ । जिल्लाको पञ्चेश्वर गाउँपालिका-४ फ्याउलीकी १६ वर्षीया अनिता चन्दको सर्पको टोकाइबाट मृत्यु भएको हो ।
महिनावारी भएको बेला गोठमै सुतिरहेको अवस्थामा अनितालाई मंगलबार राती सर्पले टोकेको र बुधबार बिहान मृत्यु भएको वडा नं ४ को कार्यालयमा कार्यरत ईएमआइएस अपरेटर समेत रहनु भएका स्थानीय प्रेम बहादुर चन्दले जानकारी दिनुभयो ।
‘महिनावारी भएको चार दिन भएको रहेछ, गाईभैँसीका गाेठमा सुतेकी रहिछन्, आफन्त चन्दले भन्नुभयो, मध्यरात सर्पले टोकेर घाइते बनाएको हो, आफन्तले बैद्यलाई बोलाउन गएको समयमा उनको घरमै मृत्यु भयो’ ।
किशोरी अनिता नजिकैको जवलपुर मावि सैलोडामा कक्षा ९ मा अध्ययनरत थिइन् । महिनावारी भएको बेला अधिकांश जसो महिला तथा किशोरीहरू गोठमै सुत्ने गरेको स्थानीय चन्दले बताउनुभयाे ।
‘देविदेवताको डरका कारण केही महिला तथा किशोरीहरू गोठमा सुत्छन्, केही घरमा अलग्गै सुत्ने गरेका छन् ।,’ स्थानीय चन्दले भन्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच