-शुभाकर विश्वकर्मा
नेपालगञ्ज । नेपाली काँग्रेसका पुर्व सभापति स्वर्गीय सुशील कोइरालाको ८४ औँ जन्म जयन्ती मनाइएको छ ।
एक औपचारिक समारोहका बीच नेपाली काँग्रेस बाँकेको आयोजनामा स्वर्गीय कोइरालाको जन्म जयन्ती मनाइएको हो । उक्त अवसरमा रक्तदान कार्यक्रम पनि आयोजना गरिएको थियो । रक्तदानको अवसरमा दुई दजर्जन बढिले रक्तदान गरेको जिल्ला सभापति नारायण प्रसाद गौडेलले बताउनुभयो ।
उहाँका अनुसार कोइरालाको सम्झनामा सामाजिक कार्य गरिएको हो । गौडेलले भन्नुभयो,'उहाँको सादगीपनको सबैले सिको गर्नुपर्छ । उहाँ पाटी मात्रै होइन देशको अभिभावक हुनुहुन्छ । उहाँको सम्मानका लागि कार्यक्रम गरिएको हो । ' सभापति गौडेलका अनुसार स्वर्गीय कोइरालाको अगुवाइमा अहिलेको संविधान बनेको हो । उहाँलाई संविधानका पिताका रूपमा सबैले सम्झना गर्नुपर्नेमा जोड दिन भयो ।
कोहलपुर नगरपालिकाका नगर प्रमुख समेत रहनु भएको युवा नेता पूर्ण प्रसाद आचार्यका अनुसार कोइरालाका सादगीपन नेपाली काँग्रेसका हरेक कार्यकर्ताका निम्ति प्रेरणाको स्रोत हो ।
संविधान बनाउन कोइरालाले खेलेको भुमिका चीरकालसम्म नेपाली जनताले सम्झिरहने उहाँको भनाई थियो । जन्म जयन्तीमा नेपाली काँग्रेस बाँकेका सक्रिय नेता कार्यकर्ताको सहभागीता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच