काठमाडौं । यस वर्षको गाईजात्रालाई लक्षित गर्दै कलाकार आशिष शाह ठकुरी र अजय शाह ठकुरीले कमेडी कोसेली ‘दिल्लीको मुर्रा’ सार्वजनिक गर्नुभएको छ । राजनीतिक, आर्थिक, सामाजिकलगायत विभिन्न विषयवस्तु समेटिएको ‘दिल्लीको मुर्रा’मा देशमा वर्षभरि घटेका विषयवस्तुमाथि चेतनात्मक रूपमा व्यंग्य प्रस्तुत गरिएको छ ।
पछिल्लो समय रोजगारीका लागि कोरिया पुग्नुभएका आशिष र अजयले ‘दिल्लीको मुर्रा’ उतैबाट सार्वजनिक गर्नुभएको हो । रेडियो कान्तिपुरको हाँस्यव्यंग्यात्मक कार्यक्रम ‘गज्जब छ बा’, आशिष र अजयले कान्तिपुर टेलिभिजनको हाँस्य सिरियल ‘ट्वाक्क टुक्क रिर्टन्स’लगायत थुप्रै सिरियल र स्टेज कार्यक्रममा अनुभव संगाल्नुभएको छ ।
‘दिल्लीको मुर्रा’को छायांकन अजय शाह र सम्पादन आशिष आफैंले गर्नुभएको छ । करिब १७ मिनेटको भिडियोसहितको ‘दिल्लीको मुर्रा’ चौतारी नामक युट्युब च्यानलमार्फत सार्वजनिक भएको हो । आशिषले गतवर्ष ‘बालकोटको बार्दली’ सार्वजनिक गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच