भक्तपुर। नेकपा एमाले जिल्ला कमिटी भक्तपुरले आयोजना गरेको शपथ ग्रहण कार्यक्रममा एमालेका १ हजार ७ सय ६१ जना नयाँ सदस्यले शपथ लिएका छन् ।
शुक्रबार एमाले केन्द्रीय सदस्य कैलाशप्रसाद ढुङ्गेलले नयाँ सदस्यलाई शपथ गराउनु भएको थियो ।
शपथ कार्यक्रममा बोल्दै ढुङ्गेलले कम्युनिष्ट पार्टीको सदस्यता प्राप्त गर्नु गौरवको विषय भएको बताउनुभयो। उहाँले कम्युनिष्ट पार्टीको सदस्यले व्यक्तिगत स्वार्थ भन्दा माथि उठेर काम गर्नु पर्ने बताउनुभयो ।
पार्टीको नीति, बिचार र सिद्धान्तलाई अङ्गालेर कम्युनिष्ट आचरण अनुसार पार्टी कार्यकर्ता चल्नु पर्नेमा ढुङ्गेलले जोड दिनुभयो ।
व्यक्तिगत स्वार्थ त्यागेर सामूहिक हित एवं देशको लागि लाग्नु पर्ने उहाँले बताउनुभयो । ‘परिवर्तन आफैबाट सुरु गर्नुपर्छ, आजदेखि तपाईँहरूले आफ्नो खल्तीमा एउटा ऐना बोक्नुस् र दैनिक हेर्नुस्, म हिजो कस्तो थिएँ, आज कस्तो भए र भोली कस्तो हुनेछु भनेर नियाल्नुस्, आफैलाई परिवर्तन गर्नुस्, समाज र देश परिवर्तन गर्न सकिन्छ’, उहाँले भन्नुभयो ।
ढुङ्गेलले जो पायो त्यहीँ व्यक्ति एमाले बन्न नसक्ने बताउनुभयो । ‘जो व्यक्ति राष्ट्रवादी छ, देशभक्त छ, देश र जनताको हितको पक्षमा लाग्छ, त्यस्ता व्यक्ति मात्रै एमाले बन्न सक्छ’, उहाँले भन्नुभयो ।
नेपालको कम्युनिष्ट आन्दोलनको मूल धार नै नेकपा एमाले भएको बताउँदै ढुङ्गेलले सबैलाई एमालेमा समाहित हुन आग्रह गर्नुभयो ।
एमाले बाहेकले देश बनाउन नसक्ने बताउँदै ढुङ्गेलले त्यसको लागि एमालेले मिसन २०८४ अभियान सुरु गरेका बताउनुभयो । एमालेले जनताको सरोकारका विषयलाई आफ्नो एजेण्डा बनाएर लैजानु पर्नेमा उहाँले जोड दिनुभयो ।
कार्यक्रममा नेकपा एमालेका केन्द्रीय सदस्य निर्मल भट्टराई, वागमति प्रदेश सभा सदस्य एवं युवा नेता किरण थापा, सकुन्तला श्रेष्ठ, सूर्यविनायक नगरपालिकाका उपप्रमुख सरिता तिम्सिना भट्टराईलगायतका नेताहरूको सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच