दोस्रो संस्करणको राष्ट्रिय एक्टिभ म्युजिक अवार्ड सम्पन्न

काठमाडौं । दोस्रो संस्करणको राष्ट्रिय एक्टिभ म्युजिक अवार्ड सम्पन्न भएको छ । चलचित्र विकास बोर्ड चाबहिलमा एक विशेष समारोहबीच कानुन, न्याय तथा संसदीय मामिला मन्त्री धनराज गुरुङको प्रमुख आतिथ्यतामा अवार्ड कार्यक्रम सम्पन्न भएको हो ।

एक्टिभ इन्टरटेनमेन्ट प्रा.लि.का कार्यकारी प्रमुख बिजेन्द्र नौबागेको सभापतित्वमा सम्पन्न भएको कार्यममा वरिष्ठ लोक दोहोरी गायक अमर बिरही गुरुङलाई दीर्घ साधना सम्मान अर्पण गरिएको थियो ।

कार्यक्रममा दशकौं सदावहार लोकदोहोरी गायक सम्मान लोकप्रिय लोकदोहोरी गायक रामजी खाँड, नांगो गाउँ चलचित्र निर्माता तथा समाजसेवी हिमाल कडरिया, वरिष्ठ लोकदोहोरी गायक माधव भण्डारी, वरिष्ठ एरेञ्जर राजु खड्का, गीतकार मिनबहादुर लामा, वरिष्ठ कलाकार यादव बैरागी, लोकप्रिय लोकदोहोरी गायक नेत्र भण्डारी, लोकदोहोरी गायक तथा मोडल पिएन सापकोटा, संगीतकार ढुण्डीराज ढकाल, गायक सन्जोक बोम्जन, लोकदोहोरी गायक दिनेश क्षेत्री, मोडल निरुता शाही, मोडल सरस्वती खत्री, मोडल शीतल तामाङ, लोकदाहोरी गायीका माया पार्दे, लोकदोहोरी गायक मदन परियार, मोडल रमेश सेञ्चुरी गायक भीमबहादुर मगर, देव क्षेत्री, डि.बि.पराजुली, दिवान किनार, रमेश पाठक, शिशिर पौडेल, कृतिमान तामाङ, सामना शाहलगायतलाई सम्मान गरिएको थियो ।

यस्तै कार्यक्रमलाई प्रायोजन गर्ने बिरुवा गाउँपालिका कार्यालय स्याङ्जा, चापाकोट नगरपालिका कार्यालय स्याङ्जा, हरिनाश गाउँपालिाका कार्यालय स्याङ्जा, वेलकम इन्टरनेशनल प्रा.लि.सामाखुसी काठमाडौं, डिजिटल काठमाडौं रेकर्डिङ स्टुडियो काठमाडौंलाई विशेष सम्मान गरिएको थियो ।

समारोहमा सर्वोत्कृष्ट राष्ट्रियभाव गीतको अवार्ड नवराज जंग थापा, सर्वोत्कृष्ट आधुनिक गायक अवार्ड अभिनय यादव, सर्वोत्कृष्ट आधुनिक गायीका अवार्ड जुनु रिजाल, सर्वोत्कृष्ट आधुनिक नवगायक अवार्ड शिव सागर खड्का, सर्वोत्कृष्ट आधुनिक नवगायिका अवार्ड ममता राई, सर्वोत्कृष्ट आधुनिक गीत मोडल (पुरुष) अवार्ड अनुप बोहोरा, सर्वोत्कृष्ट आधुनिक गीत मोडल (महिला) अवार्ड सञ्चिता साही, सर्वोत्कृष्ट आधुनिक गीत नवमोडल (पुरुष) अवार्ड दर्पण राई, सर्वोत्कृष्ट आधुनिक गीत नवमोडल (पुरुष) अवार्ड लोकबहादुर रसाइली, सर्वोत्कृष्ट आधुनिक गीत नवमोडल (महिला) अवार्ड सीता साही, सर्वोत्कृष्ट लोकदोहोरी गायक अवार्ड नरेन्द्र आचार्य, सर्वोत्कृष्ट लोकदोहोरी गायिका अवार्ड रेजिना परियार, सर्वोत्कृष्ट लोकदोहोरी नवगायक अवार्ड विज्ञान न्यौपानेलाई प्रदान गरिएको थियो ।

यस्तै, सर्वोत्कृष्ट लोकदोहोरी नवगायिका अवार्ड खुस्बु सुनार, सर्वोत्कृष्ट लोक दोहोरी गीत मोडल (पुरुष) अवार्ड कृष्ण बि.सी., सर्वोत्कृष्ट लोक दोहोरी गीत मोडल (महिला) अवार्ड जुना गरुङ, सर्वोत्कृष्ट लोक दोहोरी गीत नवमोडल (पुरुष) अवार्ड अमृत गौतम, सर्वोत्कृष्ट लोक दोहोरी गीत नवमोडल (महिला) अवार्ड उषा घिमिरे, सर्वोत्कृष्ट लोक आधुनिक गायक अवार्ड अञ्जान रेग्मी, सर्वोत्कृष्ट आधुनिक गीतकार अवार्ड योगेश मुखिया, सर्वोत्कृष्ट आधुनिक संगीतकार अवार्ड बि.बि.अनुरागी, सर्वोत्कृष्ट लोक दोहोरी शब्द संकलक अवार्ड विनोद ढकाल, सर्वोत्कृष्ट लोक दोहोरी लय संकलन अवार्ड नवीन परियार रेलिमै, सर्वोत्कृष्ट पप गीत मोडल (पुरुष) अवार्ड मनिस श्रेष्ठ, सर्वोत्कृष्ट आधुनिक ंगीत निर्देशक अवार्ड राहुल बराइली, सर्वोत्कृष्ट लोकदोहोरी ंगीत निर्देशक अवार्ड काजिश श्रेष्ठ, सर्वोत्कृष्ट एरेन्जर अवार्ड राजेन्द्र बाजुराली, सर्वोत्कृष्ट ध्वनि मिश्रण अवार्ड डिका गुरुङ, सर्वोत्कृष्ट छायाँकार अवार्ड ज्ञानकुमार कट्टेललाई दिइएको थियो ।

त्यस्तै, सर्वोत्कृष्ट शृंगार अवार्ड पार्वती सेवा सर्वोत्कृष्ट पुर्वेली भाका गीत अवार्ड प्रवीन राई, सर्वोत्कृष्ट भिडियो सम्पादक अवार्ड टेकेन्द्र शाह, सर्वोत्कृष्ट तामाङ गायक अवार्ड टीका बोम्जन, सर्वोत्कृष्ट तामाङ गायिका अवार्ड सुस्मिता स्याङ्तान, सर्वोत्कृष्ट तामाङ मोडल अवार्ड सुरोज लामा, बाल कलाकार प्रोत्साहन अवार्ड मञ्जरी तामाङ, तामाङ मोडल प्रोत्साहन अवार्ड दिपेश एस के, आधुनिक गायक पब्लिक च्वाइस अवार्ड रूपक डोटेल, आधुनिक गीत मोडल जुरी अवार्ड शिवम् पोख्रेल, मेकप आर्टिस जुरी अवार्ड अनिमेश गुरुङ, आधुनिक गीतकार जुरी अवार्ड भुपेन्द्र बुढाथोकी, वर्षको उत्कृष्ट भाषाभाषी गायक अवार्ड गायक शैलाप वाइवा, वर्षको उत्कृष्ट कला अवार्ड कलाकार सागर लम्साल (बले)लाई प्रदान गरिएको थियो ।