काठमाडौं । वीरगञ्ज स्मृति खुला पुरुष राष्ट्रिय भलिबल प्रतियोगिताको उपाधि गण्डकी प्रदेशले हात पारेको छ । नेपाल गणतान्त्रिक खेलकुद महासंघको आयोजनामा सोमबार नयाँ बसपार्कस्थित ढोरपाटन स्पोर्ट्स ट्रेनिङ सेन्टरमा भएको फाइनल प्रतियोगितामा नेपाल पुलिस क्लबलाई ३-१ को सेटमा हराउँदै गण्डकी प्रदेश विजयी भएको हो ।
प्रतियोगितामा प्रथम भएसँगै गण्डकी प्रदेशले पाँच लाख नगद, शिल्ड, मेडल र प्रमाणपत्र प्राप्त गरेको छ । यस्तै, दोस्रो टिम नेपाल पुलिस क्लबले दुई लाख नगद, शिल्ड, मेडल र प्रमाणपत्र हासिल गरेको छ ।
प्रतियोगिताका विजयी खेलाडीलाई नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले नगद, शिल्ड, मेडल र प्रमाणपत्र वितरण गर्नुहुँदै खेलकुद क्षेत्रको विकासमा सरकारले ध्यान दिनुपर्ने बताउनुभयो ।
महासचिव चन्दले इजरायलमा रहेका नेपालीलाई स्वदेश फर्काउन उच्च प्राथमिकताका साथ काम गर्न सरकारलाई आग्रह गर्नुभयो । नेपाल गणतान्त्रिक खेलकुद महासंघका अध्यक्ष जयनन्द चन्दले वीरगञ्जको स्मृतिमा उक्त प्रतियोगिता आयोजना गरिएको बताउनुभयो । यही असोज १८ देखि सुरु भएको उक्त प्रतियोगिताको सञ्चार तथा सूचना प्रविधिमन्त्री रेखा शर्माले उद्घाटन गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच