‘जाऊँ हिँड रेसुंगा’ दौड प्रतियोगिता हुने

रमेश विश्वकर्मा गुल्मी, संवाददाता

२६ आश्विन २०८०, शुक्रबार ०४:१८

Read Time = 2 mins

प्रिन्ट संस्करण

खेलकुद

खेलकुद बिविध

A A- A+

गुल्मी । गुल्मीमा ‘जाऊँ हिँड रेसुंगा’ दौड प्रतियोगिता हुने भएको छ । जिल्लाको सदरमुकाम तम्घासदेखि यहाँको ऐतिहासिक, धार्मिक तथा पर्यटकीय क्षेत्र रेसुंगासम्म १० किमी दौड प्रतियोगिता हुने भएको जिल्ला खेलकुद विकास समितिको कार्यालयले जनाएको छ । रेसुंगामा आन्तरिक एवं बाहृय पर्यटन प्रर्वद्धन गर्ने उद्देश्यले रेसुंगा नगरपालिकाले शुभारम्भ गरेको ‘जाऊँ हिँड रेसुंगा’ अभियानलाई प्रभावकारी बनाउनका लागि दौड प्रतियोगिताको आयोजना गरिएको जिल्ला खेलकुद विकास समिति गुल्मीका कार्यालय प्रमुख डिल्ली विश्वकर्माले जानकारी दिनुभयो ।

कार्यालय प्रमुख विश्वकर्माका अनुसार जिल्ला खेलकुद विकास समितिको आयोजनामा यही असोज २७ गते बिहान साढे ६ बजेदेखि ‘जाऊँ हिँड रेसुंगा’, १० किमी पुरुष दौड प्रतियोगिताको आयोजना गरिएको हो । तम्घासको लाकुरीमञ्चदेखि रेसुंगा (पोखरी) सम्म हुने दौड प्रतियोगितामा प्रथम हुनेले नगद १५ हजार रुपैयाँ, द्वितीय हुनेले आठ हजार रुपैयाँ र तृतीय हुनेले पाँच हजार रुपैयाँ नगदसहित मेडल र प्रमाणपत्र प्राप्त गर्नेछन् ।

रेसुंगा क्षेत्रको प्रचारप्रसार गरी पर्यटकीय क्षेत्रका रूपमा विकास गर्नका लागि ‘जाऊँ हिँड रेसुंगा’ अभियान शुभारम्भ गरिएको रेसुंगा नगरपालिकाका नगरप्रमुख खिलध्वज पन्थीले बताउनुभयो । पर्यटनबाट समुन्नतिको आधार तय गर्न सकिने भन्दै उहाँले प्रचुर सम्भावना हुँदाहुँदै पनि पछि परेको रेसुंगा क्षेत्रमा आन्तरिक तथा बाहृय पर्यटक भिœयाउनका लागि अभियान सञ्चालन गरिएको उल्लेख गर्नुभयो ।

दौड

पर्यटकीय

प्रतियोगिता

धार्मिक

यो खबर पढेर तपाईलाई कस्तो महसुस भयो ?