काठमाडौं । कोशीमा माओवादी नेतृत्व अस्वीकार गर्दै नेपाली कांग्रेसका शेखर कोइराला पक्षधरले बिद्रोह गरिरहेको बेला काठमाडौंमा पनि संघीय सरकारको बिकल्प खोज्नु पर्ने धारणा आउन सुरु भएको छ ।
आजको प्रतिनिधिसभा बैठकमा कांग्रेस सांसद सञ्जय गौतमले पुष्पकमल दाहाल नेतृत्वको सरकारले निकास दिन नसक्ने भन्दै बिकल्प खोज्नु पर्ने जनाउनु भयो । उहाँले तत्कालै कांग्रेसको नेतृत्वमा राष्ट्रिय सहमतिको सरकार बनाउनु पर्ने बताउनु भएको हो ।
‘सुकुम्बासीको समस्या समाधान नगर्ने, विकासको काम नगर्ने, महँगी नियन्त्रण नगर्ने, राष्ट्रिय गौरवका आयोजना ध्वस्त पारिराख्ने र खालि सत्ताको लुछाचुँडीमा,' प्रचण्ड सरकारको ध्यान केन्द्रित भएको उहाँको आरोप छ ।
‘देशको आर्थिक स्थिर अवस्थामा छ, यसलाई गतिशील बनाउनु पर्ने छ, उत्पादनमा जोड दिनु पर्ने हुन्छ, प्राकृतिक स्रोतको उपयोग बढाउनुपर्छ तर यही गति र मतिमा चल्ने हो भने यस (सरकार) ले राम्रो परिणाम ल्याउँदैन । नेपाली जनताका अगाडि धेरै विकल्प छैन, यस्तै हो भने नेपाली कांग्रेसको नेतृत्वमा राष्ट्रिय सरकार निर्माण गरौं समयमै ।’
प्रतिनिधिसभा बैठकमा कांग्रेसको नेतृत्वमा सरकार गठन गर्नु पर्ने माग पहिलो पटक उठेको हो ।
तर, संसदबाहिर भने प्रचण्ड सरकार सुध्रिने छाँटकाट नदेखाएको भन्दै नेता डा. शेखर कोइरालाले पटक पटक कांग्रेसले सरकारको नेतृत्व लिनुपर्ने बताउँदै आउनु भएको छ ।
सरकारकै कारण देश अराजकता तर्फ गएको भन्दै नेता कोइरालाले सरकारको नेतृत्व कांग्रेसले गर्नुपर्ने धारणा राख्दै आउनु भएकाे छ ।
केही दिन अघि कोइरालाले प्रधानमन्त्री प्रचण्ड अराजक भइसकेकाले कांग्रेसले सरकारको नेतृत्व गर्नुपर्ने बेला आएको समेत बताउनु भएको थियो । प्रधानमन्त्रीको रुपमा प्रचण्डले आफूलाई मत दिए जातीय राज्य दिन्छु भन्दै हिँड्नु अराजक भएको उहाँको भनाइ थियो । जातीय राज्यको वकालत गरेर समाज भड्काउने काम प्रधानमन्त्रीले गरेको कोइरालाले अरोप समेत लगाउनु भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच