कैलाली । धनगढीमा भएको तेस्रो हिमालयन गौरीशंकर डेण्टल एनएसजेएफ मिडिया कप फुटसल प्रतियोतिाको उपाधि नेपाल पत्रकार महासंघ कैलाली शाखाले हात पारेको छ । प्रतियोगिताको फाईनलमा आयोजक खेलकुद पत्रकार मञ्च कैलालीलाई ७-३ गोल अन्तरले पराजित गर्दै महासंघ प्रथम भएको हो । उपाधिसंगै महासंघले नगद २५ हजार र ट्रफी प्राप्त गरेको छ । उपविजेता खेलकुद पत्रकार मञ्चले १५ हजार नगद र ट्रफी हात पारेको छ ।
प्रतियोगितामा उत्कृष्ट खेलाडी पत्रकार महासंघका दीपक उपाध्याय भए । सर्वाधिक गोलकर्ता महासंघकै शंकर बोहरा भए । उत्कृष्ट गोलकिपर आयोजक खेलकुद पत्रकार मञ्चका सिताराम ओझा भए । फेयर प्लेको उपाधि घोडाघोडी पत्रकार टीमलाई प्रदान गरिएको छ ।
यसअघि आयोजक, महासंघसहित चडेपानीपत्रकार समुह, फुलबारी खबर, घोडाघोडी पत्रकार टीम गरि ५ टिम बीच लिग आयोजना गरिएको थियो । लिगको विजेता बन्दै महासंघ र उपविजेता बन्दै खेलकुद पत्रकार मञ्च उपाधिका लागि भिडेका थिए । दुई दिनसम्म धनगढीको फल्याटल्याण्डमा भएको प्रतियोगिताको सामाजिक विकास मन्त्री झपटबहादुर साउँदले उद्घाटन गर्नुभएकाे थियाे ।
प्रतियोगिताको मुख्य प्रायोजक धनगढीको हिमालयन गौरीशंकर डेन्टल क्लिनिक रहेको थियो । । प्रतियोगितालाई धनगढी उपमहानगरपालिका, मायामेट्रो अस्पताल, लक्ष्मी सनराईज बैंक, एभरेस्ट बैंक, ज्योती आयल स्टोर, एक्सपर्ट एजुकेशन एण्ड भिषा सर्भिसेज लगायतले प्रायोजन गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच