कालीकोट । कालीकोट जिल्लाको तिलागुफा नगरपालिका–९ का एक युवा तिलानदीमा बेपत्ता भएका छन् । दसैँ मनाउन घर जाने क्रममा तिलागुफा नगरपालिकाको भैंसीगौंडास्थित तिलानदीमा ढुङ्गाबाट चिप्लिएर बेपत्ता भएका हुन् ।
बेपत्ता हुनेमा तिलागुफा नगरपालिका वडा नम्बर-९ का वर्ष २२ का अर्जुन उपाध्याय रहेको जिल्ला प्रहरी कार्यालय कालीकोटले जानकारी दिएको छ ।
भैंसीगौंडामा काठे पुल निर्माण भएको छ । पुल तरेर पारि गएका बेला नदीको पानी पिउने क्रममा ढुङ्गाबाट चिप्लिएर उपाध्याय बेपत्ता भएका हुन् । तिलागुफा नगरपालिका उपप्रमुख महेन्द्रबहादुर शाहीले वडा नम्बर-९ का अर्जुन उपाध्याय बेपत्ता भएको र उनको खोजीकार्य जारी रहेको बताउनुभयो ।
उपप्रमुख शाहीका अनुसार नेपालगन्जमा अध्ययन गर्दै आएका उपाध्याय दशैँ मनाउन घर जाँदै थिए । तर जन्म घर चिल्खाया पुग्न नपाउँदै तिला नदीमा उपाध्याय बेपत्ता भएका हुन ।
सोमबार बिहान बेपत्ता भएका उपाध्याय मंगलबारसम्म पनि नभेटिएको जिल्ला प्रहरी कार्यालय कालीकोटका प्रहरी नायव उपरीक्षक डिएसपी अर्जुन केसीले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच