वेलिंटन । शुक्रबार अन्तिम चुनावी परिणाममा पूर्ण बहुमत हासिल गर्न असफल भएपछि न्युजिल्याण्डमा नयाँ प्रधानमन्त्री क्रिस्टोफर लक्सनले तीन दलीय गठबन्धन सरकार बनाउने बताउनुभएको छ । लक्सनको नेसनल पार्टीले गत महिना भएको निर्वाचनमा कुल १२३ सिटमा ४८ सिट हासिल गरेपछि उहाँलाई सरकार बनाउन अन्य पार्टीको समर्थन आवश्यक परेको छ ।
एयरलाइन्सका पूर्वकार्यकारी ५३ वर्षीय लक्सनले उदारवादी एसिटी र लोकप्रिय न्युजिल्याण्ड फर्स्ट पार्टीसँग सरकार गठनका लागि शनिबार र आइतबार वार्ता हुने जानकारी दिनुभयो । ‘अन्तिम स्पष्टता हुनु राम्रो हो, अब हामी तीव्रता प्राप्त गर्न सक्छौं’, गठबन्धन सम्झौतामा समय सीमा तोक्न अस्वीकार गर्दै वेलिंटनस्थित संसदमा पत्रकारसँग लक्सनले भन्नुभयो, ‘हामी दुवै पार्टीसँग रचनात्मक रूपमा काम गर्नेछौं, हामी एकसाथ आउनेछौं, एउटा बलियो र स्थिर सरकार बनाउनेछौं ।’
नोभेम्बरमा सान फ्रासिस्कोमा एसिया-प्रशान्त क्षेत्रका प्रमुख नेताहरूको शिखर सम्मेलन सुरु हुनुअघि न्युजिल्याण्डमा सरकार बन्न सक्छ वा सक्दैन भन्ने स्पष्ट छैन । सरकार गठन गरेको पहिलो एक सय दिनमा नेसनल पार्टीले स्कुलमा सेलफोनमाथि प्रतिबन्ध, अपराध नियन्त्रण र योजनाबद्ध इन्धनमा कर वृद्धि खारेजजस्ता परिवर्तन गर्ने वाचा गरेको छ ।
न्युजिल्याण्डका मतदाताहरूले अक्टोबर १४ मा भएको निर्वाचनमा मध्य-वामपन्थी लेबर सरकारको छ वर्षको शासनलाई अन्त्य गरेका छन् । जनवरीमा जसिन्डा अर्डर्नको स्थानमा प्रधानमन्त्री बन्नुभएका क्रिस हिपकिन्सले मतदान सकिएको केही घण्टापछि पराजय स्वीकार गर्नुभएको छ । रासस/एएफपी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच