✍️ निरञ्जन मैनाली
संसारका धेरै मुलुकमा जनताहरूले आफ्ना नैसर्गिक अधिकारका लागि ठूला संघर्ष गरेपछि मात्रै प्रजातान्त्रिक व्यवस्थाबाट आफ्नो अधिकार प्राप्त गरेको इतिहास छ ।
नेपालमा पनि २००७ सालमा राणाशासनविरुद्ध जनताले आफ्नो अधिकारका लागि विभिन्न किसिमका आन्दोलन र त्याग तपस्याबाटै प्रजातन्त्र बहाली भएको जगजाहेर नै छ । त्यसैगरी २०४६ सालको बहुदलिय व्यवस्था हासिल गर्न पनि जनताले रगत र पसिना बगाउनु परेको थियो ।
२०४७ सालमा संवैधानिक निरंकुश राजतन्त्र देश कायम हुनुर्पछ भनेर कांग्रेस र एमालेलगायत पार्टीहरूले अंगिकार गरेपछि किसान, मजदुर, दलित, महिला, मुसलिम, थारू आदिवासी, मदेशी र उत्पीडित वर्गहरू अधिकार पाउनबाट वञ्चित भएका थिए ।
तत्पश्चात २०५१ सालमा तत्कालीन प्रधानमन्त्री शेरबहादुर देउवा सरकारको पालामा डा.बाबुराम भट्टराईले ४० बुँदे मागपत्र प्रस्तुत गरेका थिए । यो मागपत्र सुनुवाइ नभपछि २०५२ सालमा फागुन १ गेत सशस्त्र युद्धको थालनी भएको थियो । आज २० देशमा १० वर्षे युद्धको बलमा निरंकुश राजतत्र हटाई संघीयता, सामानुपातिक, समावेशी, धर्मनिपेक्षता र गणतान्त्रिक व्यवस्था स्थापित हुनु हामी नेपालीका लागि सुखद् हो । एमाले र कांग्रेस लगायतका नेताहरू साच्ची नै भित्रि मनले भन्दा केही उद्देश्यका कारण गणतन्त्र व्यवस्था स्वीकार्न बाध्य भएका थिए ।
माओवादी सशस्त्र आन्दोलनले विपन्न किसान उत्पीडित, महिला, दलित जनजातिलगायत जनतालाई ठूलो कार्य गर्यो । तर, केही ठूला पार्टीलाई उक्त कार्य चित्त बुझेको रहेनछ । २०७३ सालमा केपी ओलीले सबै सशस्त्र युद्धबाट भएका उपलब्धिहरूको विरुद्ध संसद्मा बोल्नु सम्पूर्ण नेपालीका लागि दुर्भाग्यपूर्ण हो । यिनिहरूले गणतन्त्र नस्वीकारेकै कारण आज यो व्यवस्था कमजोर भएको छ । अहिले राजावादीहरूले राजसंस्था र हिन्दुराष्ट्र पुनः बहालीका लागि माग गर्नु नै यो व्यवस्था खतरामा पर्नु हो । साच्ची गणतन्त्रलाई बचाउने हो भने गठवन्धनले सरकारले विपन्न वर्गको मुख हेरेर काम गर्नुपर्छ ।
राजनीतिक स्वार्थ त्यागेर देशमा भएको भ्रष्टाचार, माफिया र कालोबजारी हटाउन सक्नुपर्छ । अनिमात्र गणतन्त्र व्यवस्था सफल भएको मानिन्छ । हालको व्यवस्थामाथि चौतर्फी देशी विदेशी शक्तिबाट आक्रमण भइरहेको छ । त्यसकारण सबै गणतन्त्रवादी मिलेर आ–आफ्नो स्थानबाट प्रतिकार गर्न जरुरी छ । जि.बारा हाल-काठमाडौं ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच