काठमाडौं । नेपालगञ्ज म्याराथनमा यस वर्ष नगद पुरस्कार वृद्धि गरिएको छ । नवौँ नेपालगञ्ज म्याराथनको विजेताले नगद दुई लाख पाउनेछन् । त्यसैगरी दोस्रो स्थान हासिल गर्नेले एक लाख, तेस्रोले ५० हजार, चौथोले २५ हजार, पाँचौँले १५ हजार, छैटौँले १० हजार, सातौँ र आठौँले समान पाँच-पाँच हजार पुरस्कार पाउनेछन् । यसमा ४५ वर्षमाथिको धावकलाई पनि स्थान निर्धारण गरी प्रोत्साहन गरिने आयोजक क्रियटिभ्स हेन्ड्सले जनाएको छ ।
हाफ म्याराथन(महिला)मा प्रथम हुनेले ७५ हजार, दोस्रोले ५० हजार, तेस्रोले २५ हजार, चौथोले १५ हजार, पाँचौंँले १० हजार, छैटौँ, सातौँ र आठौँले समान पाँच-पाँच हजार नगद पुरस्कार पाउनेछन् ।
त्यस्तै १० किलोमिटर महिला र पुरुषतर्फ शीर्ष तीनजनालाई ३० हजार, १५ हजार र १० हजार नगदबाट पुरस्कृत गरिनेछ । स्कुलस्तरीय पाँच किलोमिटर दौडमा शीर्ष तीनलाई पाँच हजार, तीन हजार र दुई हजार प्रदान गरिनेछ । यसमा बाँके जिल्लाबाहिर र जिल्लाभित्रका विद्यार्थीलाई समेटिएको छ । यसमा पनि कक्षा ६ देखि ८ तथा ९ देखि १२ को अलग-अलग स्थान निकालिनेछ ।
हिृवलचेयर दौडमा पनि पुरुष तथा महिलातर्फ अलग-अलग शीर्ष तीनलाई पाँच हजार, तीन हजार र दुई हजारबाट पुरस्कृत गरिनेछ । किड्स रनतर्फका विजेतालाई शैक्षिक उपहारबाट प्रोत्साहन गरिनेछ । कर्पोरेट पाँच किलोमिटर दौडमा विजेतालाई पदक र विभिन्न आकर्षक प्याकेजबाट सम्मानित गरिनेछ । अझै केही सरप्राइज प्याकेज चाँडै घोषणा गरिने आयोजकले जनाएको छ ।
नेपाल सरकार र तत्कालीन विद्रोही नेकपा माओवादीबीच दशक लामो सशस्त्र द्वन्द्व विधिवत् अन्त्य गर्ने गरी भएको विस्तृत शान्ति सम्झौता (५ मंसिर २०६३) को स्मरणमा नौ वर्षदेखि निरन्तर नेपालगञ्ज म्याराथन आयोजना हुँदै आएको छ । सोही सम्झौतामार्फत् मुलुकले शान्ति, विकास र समृद्धिको बाटोको यात्रा तय गरेको स्मरण गर्दै हरेक वर्ष ५ मंसिरमा नेपालगञ्जको बिपी चोक र कोहलपुर चौराहामा दीप प्रज्वलन गरिँदै आएको छ ।
क्रियटिभ हृयाण्ड्सको आयोजना एवं क्रियटिभगञ्ज मिडिया एण्ड इभेन्ट म्यानेजमेन्टको व्यवस्थापन रहेको नवौँ धारा नेपालगञ्ज म्याराथनको अघिल्लो दिन नेपालगञ्ज कनक्लेभ आयोजना हुँदैछ । यसमा नेपाल युवा उद्यमी मञ्च नेपालगञ्ज च्याप्टरसँग सहकार्य गरिएको छ ।
नेपालगञ्ज म्याराथन एसोसिएसन अफ इन्टरनेसनल म्याराथन एण्ड डिस्टेन्स रेस(एम्स)बाट मान्यताप्राप्त दौड प्रतियोगिता हो । जापानको ओशाकामा भएको २३औँ सभामा नेपालगञ्ज म्याराथनका संस्थापक टिएस ठकुरीले भाग लिनुभएको थियो । यसले भविष्यमा अन्तर्राष्ट्रिय सम्बन्ध विस्तार हुने अपेक्षा छ । एम्सबाट ४२.१९५ किमी, २१ किमी, १० किमी र ५ किमी प्रमाणीकरण भएको छ । एम्सको प्रमाणीकरण रुटमार्फत् नेपालगञ्ज म्याराथनले नेपालकै छैटौँ पुरानो शहर नेपालगञ्ज र उदीयमान शहर कोहलपुरलाई जोड्ने काम गर्दछ ।
साथै, नेपालगञ्ज म्याराथनका क्रममा कार्यक्रमलाई भव्य बनाउन सहभागिता जनाउने विभिन्न व्यक्ति तथा संस्थालाई पनि पुरस्कृत गरिने भएको छ । सहभागीमध्येबाट एकजनालाई बेष्ट ड्रेस अवार्ड, बेष्ट सहभागिता अवार्ड, बेष्ट भोलेन्टियर अवार्डलगायत विविध विधामा सम्मान गरिनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच