काठमाडौं । आयोजक रेडिअन्ट पब्लिक बोर्डिङ स्कुलले नवौं रेडिअन्ट कप अन्तरविद्यालय बास्केटबल प्रतियोगिताको जुनियर ब्वाइजमा शुक्रबार विजयी सुरुवात गरेको छ । स्युचाटारस्थित घरेलु कोर्टमा रेडियन्टले श्री नवीन ज्योतिलाई २०-१६ ले पराजित ग¥यो । रेडियन्ट सुशंकेत बनेपालीले ६ अंक जोड्नुभयो । सोही स्पर्धामा पुष्पसदनले ग्रीन लाउन्सलाई १८-१५ ले हरायो । पुष्पसदनका जेसनले १२ स्कोर गर्नुभयो ।
सिनियर ब्वाइजमा ज्ञानोदयले ओएसिसलाई २७-२४, निसर्ग वाटिकाले पुष्पसदनलाई ३१-२९, विल्सन एकेडेमीले एक्सेल पब्लिकलाई ३३-१५ र बिग बुद्धले एलआरआईलाई ३४-२८ ले पाखा लगाउनुभयो । ज्ञानोदयका रिजन अधिकारीले १२, निसर्गका औनलाल श्रेष्ठले १८, विल्सनका अनुप मगरले १३ र बिग बुद्धका सौरभ श्रेष्ठले २० अंक जोड्नुभयो ।
सिनियर गल्र्समा द एक्सेल्सियरले ओएसिसलाई २३-६ तथा जेसेसले ज्ञानोदयलाई १५-१२ ले पन्छाउनुभयो । एक्सेल्सियरकी एकिना घिमिरेले १४ तथा जेसेसकी स्मृति थापाले २१ अंक जोड्नुभयो ।
प्रतियोगिताको रेडियन्टका प्रिन्सिपल सूर्यबहादुर केसी र भाइस प्रिन्सिपल शुभद्रा कुँवरले निर्णायकलाई एक कार्यक्रमबीच बल हस्तान्तरण गरी संयुक्त रूपमा उद्घाटन गर्नुभयो । सिनियर ब्वाइजमा २४ तथा जुनियर ब्वाइज र सिनियर गल्र्समा समान १२-१२ गरी ४८ टिम सहभागी छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच