भोजपुर । जिल्ला प्रहरी कार्यालय भोजपुरले सदरमुकाम नजिकै रहेको विद्योदय माध्यामिक विद्यालयमा अध्ययनरत छात्रछात्राका लागि साइवर अपराध र बालविवाहका बिषयमा प्रशिक्षण तथा अन्तरक्रिया कार्यक्रमको आयोजना गरेको छ ।
नोभेम्बर २५ देखि डिसेम्बर १० सम्म अन्तरराष्ट्रिय अभियानकारुपमा मनाइने लैंगिक हिंसा बिरुद्धको १६ दिने अभियान अन्तर्गत बिद्यालयमा कक्षा ११ र १२ मा अध्ययनरत छात्रछात्राहरुका लागि मंगलवार प्रशिक्षण तथा अन्तरक्रिया कार्यक्रमको आयोजना गरिएको जिल्ला प्रहरी कार्यालय भोजपुरका प्रहरी निरीक्षक दलबहादुर राईले बताउनुभयो ।
कोशी प्रदेश प्रहरी कार्यालय विराटनगर महिला बालबालिका तथा जेष्ठ नागरिक सेवा केन्द्रको आदेश अनुसार भोजपुरमा लैंगिक हिंसा बिरुद्धको १६ दिने अभियान संचालित छ । साइवर अपराध र बालविवाहका बिषयमा जिल्ला प्रहरी कार्यालय भोजपुरका प्रहरी प्रमुख डिएसपी सुदिपराज पाठकले सहभागीलाई जानकारी गराउनु भएको थियो । “पछिल्लो समयमा साइवर अपराधका घटनाहरु समेत बढदै गएको अवस्थामा यस्ता प्रशिक्षण तथा अन्तरक्रिया बिद्यालय स्तरमा प्रभावकारी देखिन्छ ।” डिएसपी पाठकले भन्नुभयो ।
कार्यक्रममा विद्यार्थीसहित विद्यालयका संयोजक खोमराज धमला, शिक्षक अभिभावक संघका अध्यक्ष अध्यक्ष जगत तामाङ, शिक्षक लगायत गरी डेढ सय बढीको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच