काठमाडौं । काठमाडौंको राष्ट्रिय प्रहरी प्रशिक्षण प्रतिष्ठान महाराजगञ्जमा सञ्चालित ४१औँ आइजिपी रनिङ शिल्ड फुटबल प्रतियोगिताको उपाधि गण्डकी प्रदेश प्रहरी कार्यालय पोखराले प्राप्त गरेको छ । फाइनल खेलमा गण्डकी प्रदेश प्रहरी कार्यालय पोखराले नेपाल प्रहरी प्रधान कार्यालय नक्सालको टिमलाई १-० गोल अन्तरले पराजित गरेको थियो । प्रतियोगितामा प्रथम हुने टिमले एक लाख एक हजार र द्वितीय हुने टिमले ५१ हजार नगद पुरस्कार प्राप्त गरेका छन् ।
प्रतियोगितामा नेपाल प्रहरी प्रधान कार्यालय टिमका शंकर घर्तीमगर सर्वोत्कृष्ट खेलाडी, गण्डकी प्रदेश प्रहरी कार्यालय टिमका आशिष थारू सर्वाधिक गोलकर्ता र सुदूरपश्चिम प्रदेश प्रहरी कार्यालय टिमले फेयर प्ले अवार्ड प्राप्त गरी १०/१० हजार पुरस्कार प्राप्त गरेका छन् ।
निमित्त प्रहरी महानिरीक्षक, प्रहरी अतिरिक्त महानिरीक्षक टेकप्रसाद राईले एक समारोहका बीच प्रतियोगितामा विजयी हुने गण्डकी प्रदेश प्रहरी कार्यालय पोखरा टिमका खेलाडी तथा अफिसियललाई पदक, प्रमाणपत्र, रनिङ कप र नगद पुरस्कार प्रदान गर्नुभयो ।
निमित्त प्रहरी महानिरीक्षक राईले प्रतियोगितामा विभिन्न विधाका उत्कृष्ट खेलाडीलाई ट्रफी, नगद पुरस्कार तथा प्रमाणपत्र एवं म्याच रेफ्री तथा अन्यलाई मायाको चिनो प्रदान गर्नुभयो । सो अवसरमा निमित्त प्रहरी महानिरीक्षक राईले खेलाडीबाट प्रदर्शन भएको अनुशासन, खेलकौशल र सामूहिक भावना नेपाल प्रहरीभित्रको भ्रातृत्वभाव र स्व-अनुशासनको प्रतिबिम्ब भएको उल्लेख गर्दै खेलकुदले सिकाउने यस्ता व्यावसायिक गुण र आचरण आत्मसात गर्न प्रहरी कर्मचारीलाई निर्देशन दिनुभयो । उहाँले नेपाल प्रहरीमा खेलकुदलाई अझै सशक्त बनाउन नेपाल प्रहरी खेलकुद समितिबाट सम्भाव्यता खोजी हुने विश्वास व्यक्त गर्नुभयो ।
नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक सन्दिप भण्डारीले फाइनल खेलका म्यान अफ दि म्याचलाई पुरस्कार तथा द्वितीय हुने टिमका खेलाडी तथा अफिसियललाई पदक, प्रमाणपत्र तथा नगद पुरस्कार प्रदान गर्नुभयो ।
यही मंसिर ६ गतेदेखि सुरू भएको उक्त प्रतियोगितामा नेपाल प्रहरी प्रधान कार्यालय नक्साल, राष्ट्रिय प्रहरी प्रशिक्षण प्रतिष्ठान महाराजगञ्ज, काठमाडौं उपत्यका प्रहरी कार्यालय रानीपोखरीका साथै सातवटै प्रदेश प्रहरी कार्यालयका १० वटा टिमको सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच