लण्डन । लियोनेल मेस्सी, केलियन एमबाप्पे र एर्लिङ ब्राउट हालाण्ड सन् २०२३ को फिफा वेष्ट अवार्डमा वर्षको उत्कृष्ट पुरुष खेलाडीका लागि अन्तिम मनोनयनमा पर्नुभएको छ । अर्जेन्टिना तथा इन्टर मियामिका फरवार्ड मेस्सी, फ्रान्स तथा पेरिस सेन्ट जर्मेनका फरवार्ड एमबाप्पे र नर्वे तथा म्यानचेस्टर सिटीका फरवार्ड हालाण्डलाई प्रारम्भिक सूचीको १२ जनाबाट छनोट गरिएको हो ।
पुरुषको अवार्ड १९ डिसेम्बर २०२२ (पुरुष २०२२ विश्वकप फाइनलको एक दिनपछि) २० अगष्ट २०२३ को बीचको समयमा गरेको प्रदर्शनको आधारमा राष्ट्रिय पुरुष टिमका प्रशिक्षक, कप्तान, खेल पत्रकार र समर्थकको भोटिङका आधारमा अन्तिम तीन जनाको नाम छनोट गरिएको हो । विश्वकपको फाइनल खेलेका मेस्सी र एमबाप्पे तथा इंग्लिस क्लब म्यानचेस्टर सिटीलाई गत सिजन ट्रेबल उपाधि जिताएका हालाण्ड अन्तिम तीनको सूचीमा पर्नुभएको हो ।
महिला खेलाडीतर्फ बार्सिलोना तथा स्पेनकी मिडफिल्डर बोनमाटी, कोलम्बिया तथा रियल म्याड्रिडकी १८ वर्षीय फरवार्ड लिण्डा काइसेडोका साथै स्पेन तथा पाचुकाकी फरवार्ड हर्मोसो १६ खेलाडीबाट वर्षको उत्कृष्ट महिला खेलाडीका लागि अन्तिम मनोनयनमा पर्नुभएको छ ।
महिलातर्फको अवार्डका लागि १ अगष्ट २०२२ देखि २० अगष्ट २०२३ सम्मको प्रदर्शनको आधार समावेश छ । यसमा स्पेनको २०२३ को विश्वकप जित समावेश छ । उत्कृष्ट पुरुष गोलरक्षकमा यासिन बोनोउ, थिवाउट कोर्टुवा र एडर्सन तथा महिलामा म्याकेन्जी अर्नोल्ड, क्याटालिना कोल र मेरी इर्प्स मनोनयनमा पर्नुभएको छ ।
पुरुषतर्फको प्रशिक्षकमा इंग्लिस क्लब म्यानचेस्टर सिटीका पेप गुआर्डीओला, इटालियन क्लब इन्टर मिलानका सिमोन इन्झागी र इटालियन क्लब नेपोलीका लुसियानो स्पालेट्टी मनोनयनमा पर्नुभएको छ । विजेताहरूको घोषणा आगामी १५ जनवरीमा लण्डन एक समारोहबीच गरिनेछ ।
यस्तै, उत्कृष्ट पुरुष गोलरक्षक मनोनयन यासिन बोनोउ (मोरक्को/अल हिलाल), थिवाउट कोर्टुवा (बेल्जियम/रियल म्याड्रिड) र एडर्सन (ब्राजिल/म्यानचेस्टर सिटी), उत्कृष्ट महिला गोलरक्षकको मनोनयन म्याकेन्जी अर्नोल्ड (अष्ट्रेलिया/वेष्ट ह्याम), क्याटालिना कोल (स्पेन/बार्सिलोना) र मेरी इर्प्स (इंग्ल्याण्ड/म्यानचेस्टर युनाइटेड) पर्नुभएको छ ।
उत्कृष्ट पुरुष प्रशिक्षक मनोनयनमा पेप गुआर्डीओला (म्यानचेस्टर सिटी), सिमोन इन्झागी (इन्टर मिलान) र लुसियानो स्पालेट्टी (नेपोली), उत्कृष्ट महिला प्रशिक्षक मनोनयनमा जोनाथन जिराल्डेज (बार्सिलोना), एम्मा हेस (चेल्सी) र सरिना विग्म्यान (इंग्ल्याण्ड) पर्नुभएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच