काठमाडौं । नेपाल प्रज्ञा-प्रतिष्ठान, साहित्य (मातृभाषा) विभागद्वारा ‘गुरुङ साहित्यमा पहिचान र प्रतिनिधित्व’ विषयक विमर्श र सिर्जना वाचन कार्यक्रम सम्पन्न भएको छ । हरेक महिनाको अन्तिम शुक्रबार मातृभाषा साहित्य शृंखलाको रूपमा आयोजना हुँदै आएको कार्यक्रममा विमर्श र सिर्जना वाचन गरिएको हो । नेपाल प्रज्ञा-प्रतिष्ठानका निमित्त कुलपति विमलकृष्ण श्रेष्ठ (विमल निभा)ले ब्यानर वाचन गरेर कार्यक्रमको उद्घाटन गर्नुभएको थियोे ।
कार्यक्रममा प्रज्ञा-प्रतिष्ठानका सदस्य सचिव डा.धनप्रसाद सुवेदीले स्वागत मनतव्यका क्रममा सम्पूर्ण जातिको भाषा र साहित्यको पहिचाहन गरी तिनको अस्तित्व संरक्षण गर्न दत्तचित्तका साथ प्रतिष्ठान लागिपरेको जिकिर गर्नुभयो । यस्तै, प्रज्ञा–प्रतिष्ठानका प्राज्ञ परिषद् सदस्य तथा साहित्य (मातृभाषा कोष तथा व्याकरण) विभाग प्रमुख त्रैलोक्यमान बनेपाली (अगिव)ले मातृभाषा साहित्य शृंखलाले पहिचान र चेतनालाई व्पापक बनाउन र एकआपसमा सुपरिचित हुन सहयोग पुगेको बताउनुभएको थियोे ।
कार्यक्रममा प्रज्ञा-प्रतिष्ठानका प्राज्ञ परिषद् सदस्य तथा साहित्य (मातृभाषा) विभाग प्रमुख एवं कार्यक्रमका सभाध्यक्ष राजन मुकारुङले आफ्नो मातृभाषालाई व्यक्तिले संरक्षण गरेरमात्रै सम्भव छैन । त्यसलाई माथि उठाउन सरकारले प्रशस्त बजेटको व्यवस्था गर्नुपर्दछ । साथै, जुन अघिल्लो पुस्तासँग भएको मातृभाषा, रैथाने ज्ञान र सीपलाई अभिलेखीकरण गर्नलाई बजेटको सीमितता भए पनि प्रज्ञा–प्रतिष्ठान सक्रियतापूर्वक लागि परेको बताउनुभएको थियोे ।
कार्यक्रममा गुरुङ साहित्यिक मञ्चका संस्थापक अध्यक्ष तथा गुरुङ भाषा-साहित्यकी अन्वेषक गौरी तमूले ‘गुरुङ साहित्यमा पहिचान र प्रतिनिधित्व’ विषयक कार्यपत्र प्रस्तुत गर्नुभएको थियोे । कार्यपत्रमा पहिचानसम्बन्धी अवधारणा, गुरुङ साहित्यको विकास र विस्तार, गुरुङ भाषाको साहित्य, श्रुति साहित्य, लिखित साहित्य, श्रव्य-दृश्य साहित्य, गुरुङ भाषाको साहित्यमा पहिचान, गुरुङ भाषाको साहित्यमा प्रतिनिधित्व र गुरुङ साहित्यको अवस्था आदि विषयवस्तुलाई समेटिएको छ ।
कार्यपत्रमाथि सहभागीका तर्फबाट सीताराम गुरुङ, रामकाजी कोने, मणिराज गुरुङ, सुशान्त गुरुङ र रुकु गुरुङले पूरक टिप्पणी गर्नुभएको थियो । नेपाल प्रज्ञा-प्रतिष्ठानका प्राज्ञसभा सदस्य चेतनाथ धमलाले सहजीकरण गर्नुभएको कार्यक्रममा मगर ढुटभाषाका कवि हीरा रानामगर, तामाङ भाषाका कवि रिना बम्जन र खालिङ भाषाका कवि रेजिना खालिङले आ-आफ्नो कविता वाचन गर्नुभएको थियोे ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच