काठमाडौं । प्रारम्भिक बालविकास विज्ञ सविता खनालको बाल चित्रकथा ‘कार्याको जंगल–यात्रा’ लोकार्पण गरिएको छ । काठमाडौंको बौद्धस्थित अरुणिमा इजुकेशनल फाउण्डेशनमा एक कार्यक्रमबीच खनालको बाल चित्रकथा कार्याको जंगल यात्रा लोकार्पण गरिएको हो ।
कार्यक्रममा प्रमुख अतिथि वरिष्ठ साहित्यकार प्राडा.प्राज्ञ देवी नेपाल, विशेष अतिथि नेपाल बाल साहित्य समाजका पूर्वअध्यक्ष प्राडा. ध्रुव घिमिरे, अतिथि प्रगतिशील लेखक संघ नेपालका केन्द्रीय सचिवालय सदस्य तथा मानवअधिकार अभियन्ता, वरिष्ठ साहित्यकार डा.कृष्ण सुवेदी, अतिथि अरुणिमा इजुकेशनल फाउण्डेशनका कार्यकारी प्रधानाध्यापक ईश्वरी लामिछाने, बालप्रतिभा प्रणव ढकाल र रिदिका भण्डारीलगायतले बाल चित्रकथा कार्याको जंगल यात्रा लोकार्पण गर्नुभएको थियो ।
कार्याको जंगल यात्रा लोकार्पण तथा परिचर्चा समारोहमा विशेष अतिथि प्राडा. घिमिरेले बाल चित्रकथाभन्दा बाल सचित्र कथा लेख्दा राम्रो हुने बताउनुभयो । उहाँले कथामा सरलताका साथै छोठो मिठो तरिकाले वर्णन गरिएको कथाको पात्र छनौटले कथा झन् सुन्दर बनाएको बताउनुभयो ।
प्राडा.घिमिरेले बालकथामा तीनवटा (अवलोकन, अध्ययन्, अन्तर्क्रिया)को प्रयोगले कथा उत्कृष्ठ बन्ने बताउनुभयो । उहाँले संख्यात्मकभन्दा पनि गुणात्मकमा ध्यान दिनुपर्ने बताउनुहुँदै कृति प्रकाशन गरिसकेपछि भन्दा कृति प्रकाशन अघिनै अन्तक्र्रिया गर्नुपर्ने बताउनुभयो ।
कार्यक्रममा प्रमुख अतिथि वरिष्ठ साहित्यकार प्राडा.प्राज्ञ देवी नेपालले रमाइलो किस्सा सुनाउनुहुँदै बाल साहित्य लेखकले बालबालिकालाई नै समीक्षा गर्न दिइयो भने अझ राम्रो र सुन्दर कृति उत्पादन गर्न सकिने बताउनुभयो । उहाँले बालबालिकालाई महत्व दिएर रचना गरिएका बाल साहित्य उत्कृष्ट हुने जिकिर गर्नुभयो ।
प्रगतिशील लेखक संघ नेपालका केन्द्रीय सचिवालय सदस्य तथा मानवअधिकार अभियन्ता, वरिष्ठ साहित्यकार डा.कृष्ण सुवेदीले युरोपियन देशहरूमा बालबालिकालाई धेरैभन्दा धेरै लगानी गर्ने र बालबालिकालाई एकदम महत्व दिने गरेको पाइएको बताउनुभयो ।
स्रष्टा खनालले अरूणिमाको आँगनमा आफ्नो कृति ‘कार्याको जंगल-यात्रा’ लोकार्पण गर्न पाउँदा गौरव लागेको सुनाउनुभयो । उहाँले प्रारम्भिक शिक्षा यही अरुणिमा स्कुलमा भएको बताउनुहुँदै विभिन्न विद्यालय र गैरसरकारी संस्थाहरूमा काम गर्दा बालबालिकाको मनोभाव बुझ्ने तथा उनीहरूका अधिकारबारे थाहा पाउने अवसर र अनुभवले यस कृतिको जन्म भएको बताउनुभयो ।
इटर्नल पब्लिकेशनद्वारा प्रकाशित ‘कार्याको जंगल–यात्रा’मा नौवटा कथा समाकेस छन् । १८५ रुपैयाँ मूल्य रहेको कथा संग्रहका भित्री पृष्ठहरू पनि रंगीन चित्रसहित अकर्षक छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच