काठमाडौं । नेपाल विद्युत् प्राधिकरणले डेडिकेटेड लाइनको बक्यौता नतिर्ने ठूला उद्योगको लाइन काट्न सुरु गरेको छ । सोही क्रममा प्राधिकरणले शुक्रबार चारवटा उद्योगको लाइन काटेको छ । डेडिकेटेड लाइनको बक्यौता नतिरेका उद्योगमध्ये ठूलो बक्यौता रहेका चार उद्योगको लाइन शुक्रबार काटेको हो ।
जगदम्बा स्टिल, रिलायन्स स्पिनिङ मिल्स, घोराही सिमेन्ट र अर्घाखाँची सिमेन्टको लाइन काटिएको प्राधिकरणले जनाएको छ । प्राधिकरणका अनुसार डेडिकेटेड लाइनको जगदम्बाले मात्र चार अर्ब १४ करोड तिर्न बाँकी छ भने रिलायन्सले एक अर्ब ९४ करोड तिर्न बाँकी छ । घोराही सिमेन्टको एक अर्ब ३६ करोड र अर्घाखाँचीको एक अर्ब ३० करोड बक्यौता रहेको छ ।
उद्योगी व्यवसायीले हालसम्म डेडिकेटेड र ट्रंक लाइनबापतको २२ अर्ब १६ करोडभन्दा बढी रकम तिर्न बाँकी रहेको प्राधिकरणले जनाएको छ ।
यसअघि बिहीबार प्रधानमन्त्री पुष्पकमल दाहालले डेडिकेटेड लाइनको बक्यौता जसरी पनि उठाउन निर्देशन दिनुभएको थियो ।
प्राधिकरणले बारम्बार ताकेता गर्दा पनि बक्यौता नबुझाउने उद्योगको लाइन काट्न सुरु गरिएको जनाएको छ । उद्योगी व्यवसायीले हालसम्म डेडिकेटेड र ट्रंक लाइनबापतको २२ अर्ब १६ करोडभन्दा बढी रकम प्राधिकरणलाई तिर्न बाँकी रहेको प्राधिकरणले जनाएको छ । हालसम्म ५८ उद्योगले बक्यौता भुक्तानी गर्न बाँकी रहेको प्राधिकरणको भनाइ छ ।
२०७२ सालमा नेपालमा चरम ऊर्जा संकट हुँदा पनि प्राधिकरणले उद्योग तथा कलकारखानालाई सहजरूपमा विद्युत् आपूर्ति गर्नका लागि डेडिकेटेड र ट्रंक लाइन सुविधा उपलब्ध गराएको थियो । २०७५ सालमा लोडसेडिङ अन्त्यसँगै २०७७ असार १ गतेदेखि डेडिकेटेड र ट्रंक लाइनसम्बन्धी रकम बुझाउनुपर्ने व्यवस्था नै हट्यो । उद्योगीहरूले बक्यौता भुक्तानी गर्न नसक्ने बताएपछि उद्योगी व्यवसायी र प्राधिकरणबीच लामो समयदेखि आरोप-प्रत्यारोप चल्दै आएको छ । प्राधिकरणले लाइन काट्न सुरु गरेपछि उद्योगी व्यवसायी रुष्ट बनेका छन् । सोही क्रममा नेपाल उद्योग वाणिज्य महासंघले आकस्मिक बैठक बोलाएको छ । प्रधानमन्त्रीको निर्देशनअनुसार ठूला उद्योगहरूको लाइन काटेपछि प्रतिरोधको तयारीसहित महासंघले बैठक बोलाएको हो । अध्यक्ष चन्द्रप्रसाद ढकाल काठमाडौंबाहिर रहेकाले बैठकको नेतृत्व वरिष्ठ उपाध्यक्ष अन्जान श्रेष्ठले गर्नुहुने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच