काठमाडौं । पिस प्वाइन्टले सातौँ नेफ-ऋत कप अन्तरविद्यालय जुनियर यु-१६ छात्र फुटबल प्रतियोगिताको उपाधि जितेको छ । चावहिल गणेशथान मैदानमा भएको फाइनलमा पिस प्वाइन्टले न्यु एरालाई ५-२ गोलले पराजित गर्यो । पिस प्वाइन्टका राहुलकुमार योञ्जन र विशेष थिङले समान २-२ तथा रामबहादुर बुढाथोकीले १ गोल गर्नुभयोे । न्यु एराबाट दुवै गोल पेम्बा तामाङले फर्काउनुभयो । राहुल फाइनलको ‘म्यान अफ द म्याच’ घोषित हुनुभयो ।
लुम्बिनी एकेडेमीले तेस्रो स्थानमा चित्त बुझाए । लुम्बिनीले बोर्न स्काइलार्कलाई २-० ले हरायो । लुम्बिनीको जितमा दुवै गोल आसिप नेपालीले गर्नुभयो । आसिप नै ‘म्यान अफ द म्याच’ चुनिनुभयो ।
उत्तर भेगीय शैक्षिक मञ्च र ऋत एकेडेमीद्वारा संयुक्त आयोजित प्रतियोगितामा न्यु एराका पेम्बा तामाङ उत्कृष्ट खेलाडी बन्नुभयो । न्यु एराकै साइन्टिष्ट राई उदीयमान खेलाडी ठहरिनुभयो । गोलरक्षकमा पिस प्वाइन्टका निराजन देउवा, डिफेन्समा पिस प्वाइन्टका महेश राई तथा स्ट्राइकरमा पिस प्वाइन्टकै राहुलकुमार योञ्जन उत्कृष्ट हुनुभयो ।
विजेतालाई प्याब्सनका केन्द्रीय उपाध्यक्ष थकिनकुमार गुरुङ, ऋतका प्रिन्सिपल आनन्दकुमार यादव, नेफका अध्यक्ष नारायण रोका, सचिव टंककुमार चापागाईं लगायतले एक कार्यक्रमबीच पुरस्कृत गर्नुभयो । पुस ८ गतेदेखि सुरु भएको नकआउट प्रतियोगितामा ६४ टिम सहभागी थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच