काठमाडौं । चालु आर्थिक वर्षमा भारतबाहेकका देश भ्रमणमा जाने नेपालीले दुई पटकसम्म डलर सटही सुविधा पाउने भएका छन् । नेपाल राष्ट्र बैंकले भारतबाहेकका मुलुक भ्रमण जाने नेपालीका लागि प्रतिव्यक्ति दुई हजार पाँच सय अमेरिकी डलर सटही सुविधा व्यवस्था गरेको हो ।
तर नयाँ व्यवस्थाअघि चालु आर्थिक वर्षमै विदेश भ्रमणका लागि डलर सटही सुविधा लिइसकेको भए थप एकपटकका लागिमात्रै लिन सकिने केन्द्रीय बैंकले जनाएको छ । राष्ट्र बैकले विदेशी मुद्रा सञ्चित दबाबमा रहेको बेला सटही सुविधामा कडाइ गरेकोमा विदेशी विनिमय सञ्चितिमा सुधारसँगै नयाँ व्यवस्था गरेको हो ।
केन्द्रीय बैंकका अनुसार भारतबाहेक अन्य मुलुक भ्रमणमा जाने नेपाली नागरिकले राहदानीबापत प्रतिपटक अमेरिकी डलर दुई हजार पाँच सय वा सो बराबरको परिवत्र्य विदेशी मुद्रासम्म सटही सुविधा पाउनेछन् । त्यसैगरी वैदेशिक रोजगारीमा जापान, दक्षिण कोरिया, युरोप महादेश, अमेरिका, क्यानाडा जाने नेपाली नागरिकलाई राहदानीबापत अधिकतम अमेरिकी डलर पाँच सय डलर सटही सुविधा छ ।
अन्य मुलुक जानेको हकमा अधिकतम अमेरिकी डलर दुई सय र नेपाल सरकारले जारी गरेको यात्रा अनुमतिपत्रको आधारमा विदेश भ्रमणमा जान राहदानी सुविधा माग भई आएमा त्यस्ता व्यक्तिलाई अमेरिकी डलर एक सयसम्मको सटही सुविधा रहेको छ ।
स्थलमार्गबाट चीनको स्वशाशित क्षेत्र तिब्बत र स्थलमार्गबाट सार्क मुलुकहरू (भारतबाहेक) मा निजी भ्रमणमा जानेलाई सम्बन्धित देशको प्रवेशाज्ञा भएमा एकपटकमा बढीमा अमेरिकी डलर पाँच सयसम्म र एक आर्थिक वर्षमा बढीमा अमेरिकी डलर एक हजार डलरसम्मको सटही सुविधा उपलब्ध हुने व्यवस्था केन्द्रीय बैंकले गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच