काठमाडौं । आइसिसी यू-१९ विश्वकपअघिको वार्मअप खेलमा नेपालले स्कटल्याण्डलाई डकवर्थ लेविस पद्धतिका आधारमा ७ विकेटले पराजित गरेको छ । जितका लागि ११५ रनको सामान्य विजयी लक्ष्य पछ्याएको नेपालले २९.१ ओभरमा ९९-३ को अवस्थामा वर्षाका कारण खेल रोकिएको थियो । नेपालका अर्जुन कुमाल ३३ र आकाश त्रिपाठीले २९ रन बनाउनुभयो ।
त्यसअघि टस जितेर पहिला ब्याटिङ रोजेको स्कटल्याण्ड ४४.४ ओभरमा ११४ रनमा अल आउट भयो । स्कटल्याण्डलाई सस्तैमा अल आउट गर्न नेपालका गुलशन झा र तिलक भण्डारीले ३-३ विकेट लिनुभयो । नेपालले अन्तिम वार्मअप खेल मंगलबार वेस्टइण्डिजसँग खेल्नेछ । नेपालले दक्षिण अफ्रिकामा यसअघि दुई अभ्यास खेलमा दुवैमा जितेको थियो । नेपालले स्कटल्याण्डलाई १३५ र नामिबियालाई ६ रनले हराएको थियो ।
जनवरी १९ देखि फेब्रुअरी ११ सम्म हुने विश्वकपमा नेपाल समूह ‘डी’ मा रहेको छ । नेपालको समूहमा न्युजिल्याण्ड, पाकिस्तान र अफगानिस्तान छन् । शीर्ष तीनमा पर्न सके नेपाल सुपर सिक्समा पुग्नेछ ।
बन्द प्रशिक्षणको टोली घोषणा
नेपाली महिला क्रिकेट टोलीको बन्द प्रशिक्षणका लागि टोली घोषणा गरिएको छ । अर्को महिना मलेसियामा हुने एसिसी वुमन्स प्रिमियर कप टी–२० प्रतियोगिताका लागि २४ खेलाडीसहितको बन्द प्रशिक्षण घोषणा गरिएको हो ।
फेब्रुअरी १० देखि १८ सम्म मलेसियामा हुने प्रतियोगितामा नेपाल, थाइल्याण्ड, युएई, इण्डोनेसिया, हङकङ, चीन, म्यानमार, भुटान, बहराइन, ओमान, कुवेत, सिंगापुर, जापान, कतार र माल्दिभ्स छन् । फाइनलमा पुग्ने दुई टोलीले आगामी जुलाईमा हुने महिला टी-२० एसिया कप खेल्न पाउनेछन् । उक्त एसिया कपमा भारत, पाकिस्तान, बंगलादेश, श्रीलंका र छनोटबाट आउने दुई टोली हुनेछन् । टियु र मूलपानी मैदान प्रधानमन्त्री कप पुरुष एकदिवसीय राष्ट्रिय प्रतियोगिताका कारण महिला टोलीको बन्द प्रशिक्षण पोखरामा हुनेछ ।
बन्द प्रशिक्षणमा बोलाइएका खेलाडीहरूमा इन्दु बर्मा (कप्तान), विन्दु रावल, रुविना क्षेत्री, सीता रानामगर, काजोल श्रेष्ठ, सबनम राई, संगीता राई, अप्सरी बेगम, कविता जोशी, कविता कुँवर, सम्झना खड्का, लक्ष्मी साउद, डली भट्ट, अश्मिना कर्माचार्य, सोनी पाख्रिन, यशोदा विष्ट, खुसी डंगोल, रोमा थापा, सोमु विष्ट, ममता चौधरी, पूजा महतो, आरती महतो, ज्योत्स्निका मरासिनी र लक्ष्मी चौधरी हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच