बंगलादेश । बंगलादेशका लागि भारतका उच्चायुक्त प्रणय वर्माले बंगलादेशका नयाँ विदेश मन्त्री हसन महमुदलाई भेटी बंगलादेश सरकारको नयाँ कार्यकालमा द्विपक्षीय सहयोगलाई अगाडि बढाउनका लागि छलफल गर्नुभएको छ । हसन महमुदलाई अब्दुल मोमेनको स्थानमा बंगलादेशको नयाँ विदेश मन्त्रीको रूपमा नियुक्त गरिएको छ । अघिल्लो कार्यकालमा उहाँ बंगलादेशको सूचना तथा प्रसारण मन्त्री हुनुहुन्थ्यो ।
एक्समा साझा गरिएको पोस्ट अनुसार बंगलादेशमा भारतीय उच्च आयुक्त वर्माले १५ जनवरी बंगलादेशका हसन महमुदसँग शिष्टाचार भेटवार्त गर्नु भएको उल्लेख गरिएको छ । भारतको तर्फबाट बधाई दिँदै उनीहरूले बंलादेश सरकारको नयाँ कार्यकालमा भारत-बंगलादेश द्विपक्षीय सहयोगलाई अगाडि बढाउन विस्तृत मुद्दाहरूमा छलफल गर्नु भएको बताइएको छ ।
जनवरी ८ मा बंगलादेशका लागि भारतीय उच्चायुक्त प्रणय वर्माले बंगलादेशकी प्रधानमन्त्री शेख हसिनासँग भेटवार्त गर्नु भएको थियो । भेटका क्रममा उहाँले प्रधानमन्त्री नरेन्द्र मोदी र भारतको तर्फबाट शेख हसिनालाई विजयका लागि बधाई दिनुभएको थियो ।
प्रधानमन्त्री नरेन्द्र मोदीले पनि शेख हसिनालाई चुनावमा जित हासिल गरेकोमा बधाई दिनुभएको छ । बंगलादेशसँगको साझेदारीलाई अझ सुदढ पार्न भारत प्रतिबद्ध रहेको कुरामा जोड दिँदै प्रधानमन्त्री मोदीले बंलादेशसँगको आफ्नो स्थायी र जन-केन्द्रित साझेदारीलाई अझ सुदृढ पार्न प्रतिबद्ध रहेको बताउनु भएको छ ।
सार्वजनिक गरिएको पोष्टमा प्रधानमन्त्री मोदीले प्रधानमन्त्री शेख हसिनासँग कुरा गरी संसदीय चुनावमा लगातार चौथो कार्यकालको ऐतिहासिक जितका लागि बधाई दिनुभएको हो । यसै सन्दर्भमा बंगलादेशका जनतालाई पनि चुनावमा सहभागी भएकामा प्रधानमन्त्री मोदीले बधाई दिनुभएको छ । साथै बंगलादेशसँग आफ्नो स्थायी र जन–केन्द्रित साझेदारीलाई अझ सुदृढ पार्न प्रतिबद्ध रहेको पनि उहाँले बताउनुभएको छ ।
शेख हसिनाले बंगलादेशको प्रधानमन्त्रीको रूपमा लगातार चौथो कार्यकाल प्राप्त गर्दै ऐतिहासिक विजय दर्ता गर्नु भएको छ । उहाँको पार्टी अवामी लिगले जनवरी ७ मा भएको चुनावमा २२३ सिट जितेको थियो । उहाँले २४९ हजार ९६२ मत प्राप्त गर्नु भएको थियो । उहाँका निकटतम प्रतिद्वन्द्वी मोहम्मद अतीकुर रहमानले ६ हजार ९९९ मत प्राप्त गर्नु भएको थियो । यसैबीच अर्का उम्मेदवार महाबुर मोल्लाले ४२५ मत प्राप्त गर्नु भएको थियो ।
यसैबीच, जातीय पार्टी ११ सिट, बंगलादेश कल्याण पार्टीले एउटा मात्र निर्वाचन क्षेत्रमा जित हासिल गरेको छ भने स्वतन्त्र उम्मेद्वारहरूले ६२ सिटमा जित हासिल गरेका छन् । त्यसैगरी जातीय समाजवादी दल र वर्कर्स पार्टीले अफ बंगलादेशले एक-एक सिट जितेको छ । बंगलादेश नेसनलिस्ट पार्टी (बिएनपी) जमात-ए-इस्लामी र समान विचारधारा भएका दलहरूले चुनाव बहिष्कार गरेपछि देशभरि हड्ताल गरेका छन् । रासस/एएनआई ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच