काठमाडौं । एपिएफका अनिल मल्ल राजधानीमा जारी प्रथम मुख्यमन्त्री कप खुला राष्ट्रिय ब्याडमिन्टन च्याम्पियनसिपको पुरुष एकलतर्फ क्वाटरफाइनल प्रवेश गर्नुभएको छ । बसुन्धरास्थित फिटनेस पार्क ब्याडमिन्टन एकेडेमीमा आयोजित प्रतियोगितामा नेपाल पुलिस क्लबका पूर्णबहादुर थापालाई २१-१५, २१-१५ को सोझो सेटमा पराजित गर्दै मल्ल अन्तिम आठमा स्थान पक्का गर्न सफल हुनुभएको हो ।
फिटनेस पार्कको आफ्नै कोर्टमा भएको प्रतियोगिताको यू-१३ तर्फ तनहुँका सफल भुजेल र स्पोर्ट्स हबका सदीप राईले पनि अन्तिम आठको यात्रा तय गर्नुभएको छ । भुजेलले देवीनगरका प्रज्वल श्रेष्ठलाई २१-१२, २१-१३ र राईले केबिसीका सामन्त बज्राचार्यलाई २१-९, २१-७ ले पराजित गर्दै अन्तिम आठको भेट पक्का गर्नुभएको हो ।
यस्तै, यसै समूहबाट अन्तिम आठ प्रवेश गर्ने क्रममा कैलालीका रियांश चौधरीले दोलखाका आरभ श्रेष्ठलाई २१-१३, २१-१०, धन्वन्तरीका सत्यम कार्कीले ग्यालेक्सी पब्लिकका शुभम चौहानलाई २१-१४, २१-१२, धन्वन्तरीकै सुहम कार्कीले सर्लाहीका प्रनिश कार्कीलाई २१-१४, २१-१२, एपिएफका आरुष सिंखडाले दोलखाका अग्रिम श्रेष्ठलाई २१-८, २१-१२, दीपक ब्याडमिन्टन एकेडेमीका डियोन भण्डारीले कपिलवस्तुका शिवम कसुधनलाई २४-२२, १३-२१, २१-१७ र कैलालीका आदित्य चौधरीले एपिएफका आनन्द पोखरेललाई २१-३, २१-८ ले पराजित गर्नुभयो ।
यसअघि स्पोर्ट्स हबका सञ्चालक अर्जुन खनालको सभापतित्वमा भएको कार्यक्रमको बागमती प्रदेश सरकारका अर्थमन्त्री बहादुरसिंह तामाङले पानसमा दीप प्रज्ज्वलन गरी उद्घाटन गर्नुभएको थियो । साथै मन्त्री तामाङले प्रतियोगिताका रेफ्री उदय अर्याललाई सटल कर्क प्रदान गर्दै प्रतियोगिताको शुभारम्भ गर्नुभएको थियो ।
कार्यक्रममा राष्ट्रिय खेलकुद परिषद्का सदस्य चन्द्रवदना राई, पूर्वब्याडमिन्टन च्याम्पियन एवं ब्याडमिन्टन संघका पूर्वउपाध्यक्ष प्रताप अधिकारी, पूर्वराखेप सदस्य सुभाष श्रेष्ठ, समाजसेवी एवं ग्रिनसिटी अस्पतालका अध्यक्ष लोकबहादुर टण्डन, बागमती प्रदेश ब्याडमिन्टन संघका संयोजक रुद्र थिङलगायतको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच