काठमाडौं । नेपाल राष्ट्र बैंकले मौद्रिक सर्वेक्षणमा बैंक तथा वित्तीय संस्थामात्र नभई गैर-वित्तीय संस्थालाई समेट्ने भएको छ । राष्ट्र बैंकले हाल सर्वसाधारणबाट निक्षेप लिने वित्तीय संस्थाको तथ्यांकका आधारमा मात्रै मौद्रिक सर्वे गर्ने गरेकामा गैर-वित्तीय संस्थाको वासलातलाई पनि समावेश गर्ने तयारी गरेको हो ।
केन्द्रीय बैंकले मौद्रिक सर्वेको दायरालाई विस्तार गरेर नामकरण पनि फाइनान्सियल कर्पोरेसन सर्वे प्रस्ताव गरेको छ । उक्त फाइनान्सियल कर्पोरेसन सर्वेमा सर्वसाधारणबाट निक्षेप लिने र नलिने वित्तीय संस्था सहभागी गराइनेछ भने उक्त सर्वेमा बैंक तथा वित्तीय संस्था, बिमा कम्पनी, नागरिक लगानी कोष, कर्मचारी सञ्चय कोष, सामाजिक सुरक्षा कोषलगायतको वासलात पनि सहभागी गराइने राष्ट्र बैंकले जनाएको छ ।
केन्द्रीय बैंकले मासिकरूपमा प्रकाशित गर्ने देशको वर्तमान आर्थिक तथा वित्तीय स्थितिमा बैंक तथा वित्तीय संस्थाका साथै बिमा कम्पनी, नागरिक लगानी कोष, कर्मचारी सञ्चय कोषलगायतलाई पनि मौद्रिक सर्वेक्षणमा समावेश गर्ने भएको हो । मासिकरूपमा सार्वजनिक गर्दै आएको वर्तमान आर्थिक तथा वित्तीय स्थितिको मोनिटरी सर्वेमा विस्तृत मुद्राप्रदाय, संकुचित मुद्राप्रदाय, विदेशी विनिमय सञ्चिति, निजी क्षेत्रतर्फका कर्जालगायत तथ्यांक समावेश हुन्छ । यस्ता तथ्यांक संकलनका क्रममा केन्द्रीय बैंकले गैरवित्तीय संस्थाको पनि समावेश गरेर फाइनान्सियल कर्पोरेसन सर्वे गर्नेछ । फाइनान्सियल कर्पोरेसन सर्वेको खाकाका लागि सरोकारवालासँग केन्द्रीय बैंकले छलफलसमेत गरिसकेको जनाएको छ ।
हाल बैंक तथा वित्तीय संस्थाले निजी क्षेत्रमा कर्जा लगानी कति गरे भन्ने तथ्यांक आइरहेको अवस्था छ । फाइनान्सियल कर्पोरेसन सर्वेले सम्पूर्ण वित्तीय क्षेत्रबाट निजी क्षेत्रमा कर्जा लगानीकोे तथ्यांक ल्याउनेछ । साथै जीवन बिमा कम्पनी, नागरिक लगानी कोष, कर्मचारी सञ्चय कोष, सामाजिक सुरक्षालगायतले पनि कर्जा लगानी गर्ने भएकाले ती तथ्यांक पनि समावेश गरी बृहत् मौद्रिक सर्वेको तथ्यांक तयारी गरिने केन्द्रीय बैंकले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच