काठमाडौं । नेप्लिज तेक्वान्दो एकेडेमी (एनटिए) दिनेश दाहाल स्मृति पाँचौँ अन्तरडोजाङ तेक्वान्दो प्रतियोगितामा टिम च्याम्पियन बनेको छ । आठ स्वर्ण, पाँच रजत र तीन कांस्य जित्दै एनटिए समग्रमा टिम च्याम्पियन बन्यो । एनटिए र अल्पाइन एकेडेमीद्वारा संयुक्तरूपमा आयोजित प्रतियोगितामा अल्पाइन सात स्वर्ण, पाँच रजत र १२ कांस्यसाथ दोस्रो भयो । तेस्रो स्थानको सनसाइन स्कुलले ६ स्वर्ण, १२ रजत र २२ कांस्य हात पार्यो ।
डाँछीस्थित अल्पाइन एकेडेमीमा भएको प्रतियोगिताको समापनका अवसरमा १३औँ दक्षिण एसियाली खेलकुदका स्वर्ण विजेता तेक्वान्दोका वीरबहादुर महरालाई दिनेश दाहाल स्मृति खेलकुद प्रतिभा सम्मानसहित पाँच हजार नगदबाट सम्मान गरिएको थियो । खेल पत्रकार गोरखापत्रका प्रजित शाक्य र सेतोपाटी अनलाइनका सीताराम कोइरालालाई पनि प्रशंसापत्रसहित सम्मान गरिएको थियो ।
विजेतालाई कागेश्वरी मनोहरा नगरपालिकाका मेयर उपेन्द्र कार्की, प्रतियोगिता संयोजक अल्पाइन एकेडेमीका प्रिन्सिपल अनन्तराम ढकाल, तेक्वान्दोका मुख्य प्रशिक्षक नवीनकुमार श्रेष्ठ, तेक्वान्दोका अन्तर्राष्ट्रिय निर्णायक अशोक खड्कालगायतले एक कार्यक्रमबीच पुरस्कृत गर्नुभयो । एकदिने प्रतियोगितामा विभिन्न ३० स्पर्धामा १४० खेलाडीले प्रतिस्पर्धा गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच