लस एञ्जलिस । गीतसंगीत उद्योगको ओस्कार मानिने ग्रामी अवार्डको ६६औं संस्करण सम्पन्न भएको छ । यस अवार्ड समारोहमा रेकर्ड अफ दि इयर, एल्बम अफ द इयर र गीतको उत्कृष्ट विधामा अवार्ड प्रदान गरिएको थियो । यो वर्षको ग्रामी अवार्ड अमेरिकाको लस एञ्जलिसमा आयोजना गरिएको थियो । अवार्डमा टेलर स्वीफ्टले नयाँ इतिहास रचनुभएको छ ।
उहाँ वर्षको उत्कृष्ट एल्बम चारपटक जित्ने पहिलो कलाकार बन्नुभएको छ । एसजीए, माइली साइरस र बिली आइलिसले अन्य शीर्ष अवार्ड हात पार्नुभयो । कार्यक्रममा डुवा लिपा, ट्रसी च्यापम्यान, ओलिभिया रोड्रिगोलगायतले प्रस्तुति दिनुभएको थियो ।
टेलरले मञ्चबाटै आगामी एल्बम ‘द टर्डर्ड पोएट्स डिपार्टमेन्ट’ एल्बम ल्याउने घोषणा गर्नुभएको थियो । टेलरले ‘मिडनाइट्स’ एल्बमका लागि उत्कृष्ट पप भोकलको पुरस्कार जित्नुभयो । उक्त अवार्ड ग्रहण गर्दै गर्दा उहाँले नयाँ एल्बम अप्रिल १९ मा सार्वजनिक गर्न लागेको जानकारी दिनुभयो ।
बिली एलिसको ‘हृवाट वव आइ मेड फर’ वर्ष गीत बन्यो । यो गीतले भिजुअल मिडिया विधासमेत चुम्न सफल भयो । भिक्टोरिया मोनेट उत्कृष्ट नयाँ आर्टिष्ट घोषित हुनुभयो । ‘फ्लावर्स’बाट माइली साइरसले ‘रेकर्ड अफ द इयर’ प्राप्त गर्नुभयो । माइलीका लागि यो पहिलो ग्रामी पुरस्कार हो ।
स्वीफ्टले ‘मिडनाइट्स’बाट एल्बम अफ द इयर प्राप्त गर्नुभयो । र्याप विधामा किलर माइकले मनोनित भएका तीनै विधामा आफ्नो नाम दर्ज गर्न सफल हुनुभयो । यस संस्करणमा दुई विधा थप गरिएका थिए । जसमध्ये उत्कृष्ट डान्स पपमा काइली मिनोगको ‘प्याडम प्याडम’ र अफ्रिकन म्युजिक प्रस्तुतिको विधामा टायलाले ‘वाटर’बाट ग्रामी आफ्नो पोल्टामा पार्नुभयो ।
भारतीय गायक शंकर महादेवन र प्रख्यात तबला वादक जाकिर हुसैनलाई ग्रामी अवार्ड प्राप्त गर्नुभयो । महादेवन र हुसेनको ब्याण्ड ‘शक्ति’को एल्बम ‘यो पल’ले वेष्ट ग्लोबल म्युजिक एल्बमको उपाधि जितेको हो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच