काठमाडौं । चलचित्र ‘पूर्ण बहादुरको सारंगी’मा कलाकार मुकुन भुसालको प्रवेश भएको छ । निर्माणपक्षले तस्वीर सार्वजनिक गर्दै चलचित्र मुकुनले काम गर्ने पक्का भएको जनाएको हो । यो चलचित्रमा यसअगाडि गायक प्रकाश सपुत र कलाकार विजय बराल फाइनल भइसक्नुभएको छ ।
अन्तर्राष्ट्रिय फिल्म वितरण कम्पनी सेभेन सिज इन्टरटेन्मेन्टले निर्माण गर्न लागेको चलचित्रका लागि निर्माणपक्षले मुकुनसँग केही दिनअगाडि लिखित सम्झौता भएको बताएको छ । चलचित्रमा मुकुनको भूमिका के हो भन्ने विषयमा केही खुलाइएको छैन । निर्माता विनोद पौडेलले मुकुनले आफूहरूले कल्पना गरेको पात्रमा खरो रूपमा काम गर्ने देखेर नै अनुबन्धित गरिएको बताउनुभयो ।
सोसल–ड्रामा कथामा बन्ने यो चलचित्रका लेखक तथा निर्देशक सरोज पौडेल हुनुहुन्छ । जेठको दोस्रो साताबाट छायांकनमा जाने तयारीका साथ यो चलचित्रका लागि कलाकार फाइनलको काम अगाडि बढिरहेको छ । विनोद पौडेल र प्याट्रिक सुवेदीको लगानी रहने यो चलचित्रमा रमेश चौलागाईं र हरि श्रेष्ठ कार्यकारी निर्माता हुनुहुन्छ । महेश दवाडीको पटकथा तथा संवाद रहने चलचित्रमा प्रशान्त सिवाकोटीको संगीत छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच